桃花崗仍掛有每年「月滿守望桃花崗」聚會時留下的紙牌及字句。但一塊寫有「明志聲明」的黑布則於今年1月被偷。

彭記指，明年7月亦會離開桃花崗，未打算到別處繼續經營。

桃花崗中間的閘門已打開，但彭記指，生意已大不如前。
桃花崗地權案於今年3月審結，終審法院裁決丁文禮無罪，從丁文禮購入該幅土地的羅盛宗亦已申請規劃條件圖，意味着桃花崗將面目全非。小販德姐與大排檔彭記均表示，已接受羅盛宗的和解方案，將於明年7月前遷出。在桃花崗擺檔數十年，如今可有不捨？兩位不約而同地表示：「不捨得，但又能怎樣？」
接受和解　明年7月前遷出
雖然今年3月終審法院已裁定丁文禮於桃花崗地權案中勝訴，但羅盛宗所持有的金美泰置業有限公司2013年曾入稟法院向攤販索償100萬作為賠償「未有發展的時間損失」，案件原定於今年4月開審，但開審前羅盛宗向攤販們提出和解方案。德姐的兒子黃先生表示，他們知道對方提出和解後，曾四出諮詢多個法律意見，但得到的回覆都是：因為終審法院已裁定丁文禮勝訴，故羅盛宗與他的買賣屬合法，羅有權要求小販離開，若羅要向小販追討賠償，小販亦可謂毫無勝算，即使勉強打官司，拖兩至三年，恐怕最後亦要支付賠償。「你唔畀唔通你坐監？你要畀，一百萬你點樣嘔出嚟？」無奈之下，幾位小販決定接受和解方案——賠償金每檔一百萬，明年7月前遷出，並承認羅盛宗是土地業主。
「我好深印象律師講，『你哋要攞一百萬，定你要最後畀一百萬落去？』『大家都七老八十，都要退休，賣衫每日可以賣幾錢？籌唔籌到一百萬？仲要唔要拖？』」
被指多年抗爭只為賠償　憤難平
事件歷時逾7年，起起伏伏，到最後終要離開，德姐表示，衷心感謝市民的關心及支持。她坦言，對結局非常心悒，而最令她氣憤的是，在簽署和解書後，有人說她多年來「所謂爭取公義只是想要求更多賠償」。說到此處，德姐更忍不住淚灑當場。
「我都講唔出其他嘢，不過打輸咗真係好唔憤氣。佢明明係有罪（話）佢冇罪，我而家畀人話我係咩？『所謂正義』，話『你正義咪又係收錢。』」
「我嗰7年完全冇生意，我嗰日話羅盛宗，搵嗰一百萬，我洗咗幾多律師費……」
「我覺得畀人侮辱緊。到今時今日要收錢係事實，但今日如果政府收咗，我哋無條件，無需要，我好開心。希望政府好好安排我哋，但事與願違。」
德姐兒子補充，一班小販年紀漸大，而7年來的法律開支已花去小販不少積蓄，「佢哋一年之後冇得撈，出嚟搵嘢做？做咩？佢哋要退休。」
彭記：明年7月後退休
現時德姐已甚少開檔。大排檔彭記則表示，會營業至期限結束為止。雖然羅盛宗已答允將桃花崗通道的閘門打開，但生意已大不如前，「而家如能無奈接受。」而期限結束後，他們亦會退休。小販們指，在事件初期，民署曾表示可安排他們到別處經營，小販當時因為官司考量而未有離開，到後期民署指他們要繼續經營就需重新抽籤。「退休喇，無可奈何，唔接受都要你接受。」以後再嚐不到彭記出品了？「無㗎喇！我唔係唔想做，諗住自己有能力，仲可以做下，就做下，但佢而家都唔俾你做啦。」「攞牌你都攞唔到，都幾十歲了，仲做得咩啫？去打工又冇人請。」