來源：新聞局
特區政府早前與內地企業阿里巴巴《構建智慧城市戰略合作框架協議》，阿里巴巴將於本澳設置雲計算中心及大數據平台建設。在《澳門論壇》上，新澳門學社副理事長蘇嘉豪發言時表示，對於政府與阿里巴巴所簽訂的框架協議，社會對當中許多細節仍不清楚，「閉門簽完之後先同記者講話米已成炊，事實上呢啲協議牽涉到好多所謂大數據，都係同居民嘅個人資料有關，但居民唔知協議簽啲乜，點樣保障我哋嘅數據。我哋憂慮，所謂大數據最終會變成賣數據，俾得太多數據出嚟，行蹤等各方面都保障唔到，變相更加危險，所以政府係保護個資上更應把好關。」
而台上嘉賓、街總社會事務委員會副主任雷民強回應時則反批，部分青年人在個人資料保護的概念上過於著緊，「例如想犯罪嘅青年，佢哋對個人資料收集係好緊張嘅，而對於知識淺薄嘅青年嚟講，係智慧城市上面，收集咗數據之後會如何應用呢？」他促請政府要多加宣傳，因智慧城市的概念對市民智慧出行、智慧生活均有很大幫助。
個人資料保護辦公室法律組職務主管何慶林則指，《個人資料保護法》並非禁止所有個資收集，只是要求在合法的情況下收集。針對大數據應用，政府或機構可以先將個人資料匿名化之後再作處理，而將資料轉交等做法亦需要依照法律規定。