親情的力量——三齣暖心電影推介
學生哥放假,除了參加暑期活動、去旅行外,家長們費心四圍搵活動,讓仔女消磨時間之餘更希望可以學到東西,而家係機會喇!
八月文化中心將會上映十六場國際精選電影,不同類形不同題材都有,梗有一兩套啱你睇,每齣電影分別在月頭和月尾各映一場,唔怕撞咗時間睇唔返,或者睇到別人推介就冇得睇。今次為大家介紹三齣暖心之作,分別係台灣《心靈時鐘》、美國得獎紀錄片《動畫醫神》及歐洲溫情動畫《怪物小毛莉》。
《心靈時鐘》係療癒系導演蔡銀娟繼《候鳥來的季節》後的心靈系列第二部:父親生前寄給各人的包裹竟然充滿對家人的愛,看到最後才知曉甚麼叫做好好說再見,有小朋友的家長去睇請敬備紙巾;《動畫醫神》取材自《消失的男孩》一書,作者是得獎記者亦是自閉男孩奧雲的父親,由金像導演用動畫同紀錄片手法拍攝,結構美術不用懷疑;最後介紹三歲以上已經啱睇嘅《怪物小毛莉》,主打悅耳配樂、故事同可愛卡通角色,講快要做人家姐嘅小毛莉翻山越嶺去搵即將生小怪物的媽媽送上賀禮。簡單故事豐富畫面,適合K1至K3的電影初體驗。
三齣講親情的電影各具魅力,睇戲認識世界,啱曬搵合家歡節目的爸媽。
拉 華
留言