今年年初，劉德華（華仔）於泰國拍廣告期間，意外墮馬造成盆骨多處骨折，最初預計要停工休養一年。不過，向來以工作為先的華仔，養傷期間仍然時刻關注工作，意志力堅挺的他休養七個月已康復。日前，華仔墮馬受傷後首度公開露面，為有份投資、監製兼主演的電影《俠盜聯盟》造勢宣傳，之後更會走勻中港台為新戲宣傳。

向來以工作為先得劉德華，休養七個月後宣布正式復工。

《俠盜聯盟》於本月正式上映。

日前，導演馮德倫、舒淇、楊祐寧、張靜初及法國男星尚連奴（Jean Reno）齊齊現身新戲《俠盜聯盟》首映禮。今年年初墮馬受傷的華仔更是壓軸出場，他穿著深藍色西裝不用拐杖，在歡呼聲下步出，邊笑邊拍手上台。華仔表示：「我很好，對不起！過去半年要大家操心，現在我又返回到半年前，仍然可以跟大家說說笑笑，跑跑跳跳。」

劉德華和馮德倫、舒淇及楊佑寧等人一起出席新戲首映禮。

劉德華墮馬受傷後首度公開露面，為新戲造勢博頭彩。

馮德倫和舒淇在現場甚有默契，表現恩愛。

首度露面狀態大勇

華仔坦言十分感恩可以出席新戲首映禮，隨後主動帶臺上一眾演員及導演就坐，更和眾人一起玩問答遊戲，狀態大勇。華仔於新戲中飾演神偷，獲司儀形容為「帥盜」，他即鬼馬表示：「帥唔帥，我就唔知道，大家覺得我帥嗎？」台下全場觀眾即拍掌歡呼，華仔見狀趁機帶動氣氛：「大聲啲，我聽唔到！」令現場再度熱烈歡呼。

劉德華於首映禮上與眾人一起玩遊戲。

新戲身兼多職冇壓力

華仔在新戲中身兼演員同監製，問到會否因而帶來壓力，他坦言：「其實監製嘅工作，只係電影前期同後期會參與多啲，其餘時間都係同其他演員一樣。」一旁的馮德倫則表示：「華哥嘅演技觀眾有目共睹，我只會喺拍攝時，間中叫佢試試唔同方法演繹。」問到法國演員尚連奴首度和華仔合作感覺如何，他表示事前已足準備功夫，所以不覺得緊張，只需投入角色，專注電影就可以。

馮德倫在台上有重提當時華仔加盟新戲的經過，他透露電影開拍前一個月，原定的男主角突然辭演，令甩轆的馮德倫即刻搵替補演員，結果因焦慮及壓力爆煲，一覺睡醒竟發現自己一夜白髮。幸好開拍前十天，華仔知道對方遇上困難，即刻調動自己檔期，不僅沒有提高片酬，更願意分擔監製重擔。馮德倫表示十分感激華仔相助：「如果冇佢都開唔成呢套戲。」

劉德華調動檔期仗義演出該片，令馮德倫十分感動。

兩人十幾年後再合作

講到和馮德倫淵源，華仔坦言要追溯到十幾年前：「當時我哋拍咗一部關於魔術嘅戲，後來我哋又有機會重拍《英雄本色》，但由於版權問題，當時冇人敢拍。之後到我開公司，我以為可以同佢一齊拍戲，但最後都係搵唔到老闆投資。直至最近，佢再搵我拍戲，我當然一口應承。」華仔坦言馮德倫還是「美男子」時，兩人就認識，馮德倫聽聞笑言：「我係佢嘅影迷，佢之前叫我去影迷會我都有去。」

講到和馮德倫的淵源時，劉德華笑言兩人早已認識。

舒淇對楊佑寧大打出手

談及劇組遠赴捷克布拉格拍攝外景，華仔大讚導演馮德倫安排貼心：「導演有專門畀時間演員喺當地觀光，好鍾意布拉格，之前有去過一次，今次再去發現城市冇乜點變。」問到戲中有一幕舒淇對楊佑寧大打出手，舒淇表示導演要求扮打幾次，最後先真打，點知被馮德倫當場踢爆：「你好似次次都係真打。」楊祐寧則表示劇本最初和舒淇有接吻戲，但最後卻變成打戲，笑言是被導演騙進劇組。

楊祐寧和舒淇的吻戲變打戲，笑言是被導演騙進劇組。