阿倫阿Sam講仔經
許冠傑、譚詠麟“合體”演唱會中,還看到神級的父慈子孝,大慰人心——
許懷欣、許懷谷一彈一唱《愛情陷阱》,阿倫一起合唱……唱《半斤八両》時,阿Sam結他加入。唱罷,阿倫問懷欣,阿Sam這麼鍾意着豹紋,平時可會是虎爸嗎?“佢好Nice口架”懷欣回應:“我哋會夾Band,會去釣魚。”有冇講古仔畀你哋聽呀?“有呀,白雪公主嗰啲。”有冇幫你沖涼?“都有呀。”至此,輪到阿Sam發功問阿倫:“還未見到你個仔個樣,淨係見到後尾枕,個樣都唔畀我睇,小鮮肉嚟喎!”此時,熒幕播出阿倫早前慶祝囝囝畢業的照片,“邊個咁曳,放張相出嚟,多謝大家。”阿倫扯開話題,“阿Sam有好多正歌,你嘅歌陪住我長大,不如用我嘅演繹方式去唱你嘅歌……”
在後台,傳媒問校長,會否給阿Sam看曉風?“私底下會畀佢睇,唔使公開嘅。”睇咗未?“佢都唔喺香港。”又問校長,係咪會打本囝囝開公司?“都唔知你講乜。”唔畀佢媾鬼妹?“又嚟?重嚟?唔知呀,要睇睇有咩需要,佢依家出嚟社會做嘢啦,多謝關心。”
談到演唱時忘記歌詞,校長說對着阿Sam,一時感觸,差點落淚。往事不能忘記,阿Sam拍電影時患上高山症,腦部嚴重缺氧,險變植物人,當時許冠文挺身支持,聲言傾家蕩產,也要救回弟弟。阿倫說:“此新聞轟動一時,我保守呢個秘密很多年了。”因為當時連阿Sam也不知道,“那時我好擔心,我對許冠文講,阿Sam一定掂,畀啲時間佢啦。”阿Sam笑言:“終於唔死得,你就好啦,年年廿五歲……講吓笑,至緊要觀衆開心啫。”
十一時半,到例定散場時限,Encore也唱了四首歌。阿倫話:“若要唱,我哋一星期都唱唔晒。”阿Sam話:“你哋唔願走,咁就唔好畀佢停,繼續唱!”笑言唱到八十歲,一曲《八十歲後》歌罷,演唱會十一時五十九分結束。據說,演唱會過時會罰款,每五分鐘幾何級數加上去的。
高 梁
留言