立法會今日召開全體大會，辯論由直選議員麥瑞權提出「行政當局是否需要加速立法，設定罰則，強制本澳三十年以上樓齡的舊樓必須定期驗樓，以保障市民生命和財產的安全？」的辯題。不少議員認同要確保樓宇安全，認為強制驗樓是一個可行的方法。但亦有議員憂慮一旦實行強制驗樓，工程業界未必有足夠人手應付。列席會議的運輸工務司司長羅立文表示，雖然現行法例已要求業主每5年驗樓，並設有多個樓宇維修的資助、貸款及支援計劃，但坊間對驗樓及維修的意願不大，「而家已經係強制性，但係無人做。」
羅立文亦指，雖然政府可以設定罰則，處理無驗樓的業主，「罰幾萬好容易，但係點樣收錢？如果大廈有業主會，可以通知業主會，但係收唔收到錢？唔知。而本澳大部分大廈都無業主會，點收？唔通要逐道門去拍？派公務員去收錢嘅費用都已經等同罰款。」但他指，若果大廈經已是危樓，即使政府在日後追收驗樓費用有問題時，亦會協助處理。強調小業主有責任驗樓及進行維修，政府不能代替小業主去做。
議員麥瑞權認為，政府不應以「怕麻煩」或憂追不到費用而不強制驗桹，「點解要強制8年驗車？點解？保障公共安全啊嘛。如果座樓隨時有嘢跌落嚟嘅，呢個已經係公共安全嘅問題，而唔係收唔收到錢嘅問題，應該由政府去保障市民嘅安全及財產。汽車都係強制，點解樓宇唔得？」羅立文則反駁：「一架車強制驗車，若果架車有問題，政府有權叫呢架車唔准出街，但係如果驗樓有問題，我可唔可以話俾啲人聽唔得係嗰度住？唔得。」
而工務局長李燦烽表示，現時當局對危樓設有3級處理機制，其中對存在緊急危險的樓宇會立即處理，例如清遷等等。當局每年對危樓平均發出約100份驗樓通知書。