上屆港姐卸任在即鬥性感
香港小組競選決賽昨晚假電視城舉行,上屆港姐馮盈盈、劉穎鏇、陳雅思和張寶兒卸任在即,臨別秋波都來個紅地氈上鬥性感。上屆季軍陳雅思以低胸長裙露深長事業線大殺四方;馮盈盈露膊裝大騷迷人鎖骨,但條裙似乎有點鬆,搞到她不時要拉起裙身上托。問不怕走光?她即謂:“我可能身材比較纖瘦,所以條裙好似好闊咁。”更笑說上鏡時可以佔多點位置。
蜜運中的張寶兒以一襲紅裙亮相,相對較密實。談到妹妹張寶欣進入港姐決賽,她就指緊張過自己當年:“我叫佢食朱古力放輕鬆,但呢幾日出去拍節目冇見過佢,直至剛才化妝間才見到佢,有同佢講加油!”
藝人黃心穎一身紅色連身裙走紅地毯,相當搶眼,但腰間的透視設計令她不慎露出紅色底褲邊,走動時更露少少胸墊。心穎獲記者告知不慎春光乍洩後,笑稱:“裡面係特登咁襯口架!襯啱色走光都唔覺嘛。(今晚咁封胸封腿?)今晚係走高貴同成熟路線。我已經係五年前選咗,冇得鬥後生,都應該行成熟風,係氣質性感。”
身兼師姐及決賽評判的心穎表示會專注整個比賽,問身為三號梁雯蔚導師的心穎會否偏心?她表示:“一定會公平公正,唔會偏幫。今晚做評判都好緊張,有當年參選時感覺,首歌一播,當年片段回憶就返晒,仲即時坐直啲!”
留言