雷莊兒唔識玩轉阿叻
“若你是叻哥的親生女,如何與他相認?”港姐決賽中最精彩最尖銳的智慧題——陳百祥圓眼一瞪,似要說:係就好咯。雷莊兒回應認父條件:看他狀態、遠識、近況——用評馬條件,認練馬師老竇,誰曰不宜。
不料,阿叻大喝一聲:我都唔知你講乜。喝得好!阿叻與秀姑相愛逾恒,從不牽惹婚外情,與私生仔女的新聞毫無關係,斷然決絕態度嚇窒靚女千里外。證明阿叻小心翼翼,保持與秀姑愛情的百分百純潔度。父女相認問題,考港姐,意在考叻哥,深層次係考港姐監製——
“你係叻哥的親生女,如何與他相認?”十歲到八十歲的常識問題。粵劇迷回答:滴血相認,因舞台古裝戲常見。小學生常看電視的,應會說:“驗DNA啦”。
“你係叻哥的親生女,如何與他相認?”估計監製擬題時是想鬧劇式搞氣氛的。假若喜歡看課外書,知道愛因斯坦的艷遇,那麼,雷莊兒也許指住陳伯祥:“叻哥,你唔認我做女都唔得。各位觀眾睇眞吓,阿叻個樣似足我雷莊兒咁漂亮。我雷莊兒個腦,似足阿叻咁精靈。”有人識笑,有人不識笑,這是現代“美女與智叟”故事。
橋唔怕舊,至緊要受。雷莊兒倘或者可先講講愛因斯坦艷遇……好彩,“我有阿媽的美麗,又有叻哥的智慧,父女基因全中。”再一鞠躬,“我雷莊兒的美麗,加上叻哥智慧,這個女兒是今屆港姐的象徵……。”
“媽呀,爸呀!”台上五強佳麗,無不涕淚滂沱。多年遊子離家,捨不得父母,恨不得當上港姐,返港工作,親近爸媽。森美恍然大叫:佢哋唔係想選香港小姐,係想攞香港身份證。
(另眼看Big Big港姐:三之一)
高 梁
留言