阿聰網上翻舊賬
張繼聰網上帖千字文,自爆七年前夫妻同時患上嚴重抑鬱——病因各走極端,張繼聰事業正處低谷,被譏“廢柴老公”;謝安琪事業邁向巓峰,女越尊時,男越卑了,夫妻抱頭鬥抑鬱。
心病還須心藥醫。繼聰在網頁翻出七年前的叱咤頒奬禮影片:阿Kay捧最受歡迎女歌手銀奬,阿聰在台下皺眉抱頭。他寫道:“我抑鬱病非常嚴重,非常想又非常怕去這個頒奬禮。想去,係因為太太當時成績非常出色,我一定要到現場支持佢見證佢努力的成果。怕去,當時我冇成績。片中所見我的愁爆,當時正食緊藥,好口乾、好頭暈、好攰,鏡頭又起勢隊住……好替太太開心,好想抱住佢,同時又好驚,擔心自己食白果時又唔知畀人怎樣嘲笑。”文章又指:“太太成晩得到許多個奬,其實承受好大壓力,因為太太抑鬱病亦好嚴重。”
被揶揄“廢柴老公”,阿聰難以忘懷,但諗諗吓,反而多謝曾經看不起他的人:“其實,他們都是我的老師,佢哋全部都係菩薩;甚至表面上好似害我嘅人,其實佢哋令我成長咗。三十幾歲前有一段咁不平凡的經歷,學識好多嘢,幾抵!”
阿Kay可被文章嚇一跳?沒有!“我和太太的經歷是上天注定的。”阿聰補充,“有咁嘅對手,才有咁樣劇情,悲劇?喜劇?大家都努力去演。我覺得係喜劇,盡量搞搞笑,等老婆開心。”
夫妻同處事業高潮,事業低谷同時都患嚴重抑鬰。過來人阿聰曾考慮過,夫妻同患抑鬰的經歷好唔好公開?但“哪怕只有一個咁啱睇到,對佢有安慰的話,都好値得。”
事事以老公為先的Kay,大讚阿聰做得好:“有許多朋友話,看完長文有好多感受,並講我知,覺得可以支持佢哋走過一些難關。”長文貼出後,半晩已獲兩萬個Like!
高 梁
留言