近日，電影《西遊記．女兒國》的主角郭富城，再次扮演孫悟空，與馮紹峰、羅仲謙和小瀋陽等師徒四人闖入女兒國，鬧出不少笑料，城城自言是喜劇演員，今次打得又笑得，簡直非常抵用。不過，他自爆第一日拍攝時竟然想縮沙，因為一身毛的特技化妝再次勾起拍攝上集時的痛苦回憶。

對於再演孫悟空，郭富城表示今次演出比較跳脫。

由鄭保瑞執導，郭富城、梁詠琪、羅仲謙等主演的電影《西遊記．女兒國》於2016年12月在台灣開機拍攝，並將於今年農曆新年大年初一率先於內地上映，是一部闔家歡的賀歲電影，這亦是郭富城繼《西遊記之孫悟空三打白骨精》後，再次飾演孫悟空，與馮紹峰、羅仲謙和小瀋陽闖入女兒國。

《 西遊記．女兒國》將於農曆新年大年初一率先於內地上映。

自認是喜劇演員

對於再演孫悟空，郭富城表示：「造型同上次有啲唔同，今次會比較似動物，演出比較跳脫，其實我係喜劇演員，只不過一直無人搵我演喜劇。」城城直言兩年前演過孫悟空後，曾說過不想再演孫悟空：「上次劇情比較沉重，特技化妝每次都要化幾個鐘，廁所都無得去，真係好辛苦。」

郭富城自言是喜劇演員，今次打得又笑得，簡直非常抵用。

郭富城臨場縮沙

雖然郭富城對演孫悟空很抗拒，但當導演鄭保瑞找他演出時，郭富城指又想再次挑戰，他說：「導演搵我時剛好想突破自己，加上又身痕想演，所以都答應咗。不過第一日開工，一去到拍攝現場時就覺得好驚，痛苦嘅回憶全部返晒嚟。即刻打畀小美（經理人）問可唔可唔拍，結果都係決心頂硬上，或者下次由我演唐僧會舒服啲。」

為下一代建立好榜樣

去年結婚生女的郭富城，被問到日後接戲可會揀選少打鬥的電影，免得受傷？他說：「雖然已為人夫和人父，但工作上一切不變，唔會特別錫身，只會繼續專業，只要做足安全措施，就可避免受傷，希望為下一代建立好榜樣。」至於要穿上藍色肌肉衫的羅仲謙同樣拍得辛苦，由於肌肉衫非常貼身，一穿上就要控制飲食，他說：「件衫除都要幾個鐘，所以水都要少飲，好彩今次動作場面唔多。

要穿上藍色肌肉衫的羅仲謙同樣拍得辛苦，一穿上戲服就要控制飲食。