蛇王卸膊偷懶照攞高分
公僕俊:唔影響升職冇所謂
剛進入公務員體系三年的阿俊(化名)表示,其部門取得五分的同事皆工作表現不俗,但部門中亦有兩成“蛇王派”、上司無符,但為免影響自身升遷,不希望設高分限額制。
冇做錯即可取高分
阿俊指,自己過往幾次評核均獲四分(十分滿意),“咁我無做錯嘢嘛,通常做錯嘢先會冇四分。” 取得五分(優異)者可獲十日假期或換糧,部門會公開這些優異名單,哪些人取四分還是三分,則不得而知。
其部門約有十分一人員取得五分,包括司機、秘書、技術員等不同職位人員。有感這些同事日常工作不俗,名副其實,“我見唔會話做錯嘢都畀優異你。唔會話有人年年攞五分,好似輪住咁樣。”一般取得優異者皆為資深公務員,資歷淺者機會微,但不覺與主管熟稔才能取高分,“有啲同主管唔係特別friend都有五分。”
四捨五入造就高分
對於特區政府九成公務員取得高分(四、五分),阿俊表示認同,但認為是計算問題(三點五至四點四分均列為四分,達四點五分或以上為五分),導致四分、五分佔大部分。有感若計算出來的分數低於四分,便不應屬“十分滿意”。他估計,其部門中有兩成“卸膊”同事,“有啲好資深、就嚟退休嗰啲,好多嘢會歎慢板,又或者上司畀嘢佢做,佢話‘唔識做啊’,推畀其他人。”久而久之,若上司有文件急需處理,也不會着他們做,這些人自然“不做不錯、少做少錯”。問及他們是否值得獲評四分?阿俊稱“但起碼佢哋無做錯嘢囉。”
一刀切限高分不公
阿俊不認同高分限額制,主張若部門人人皆努力工作,硬要將一些人評為三分或以下,並不公平。至於現時的制度又是否公平?“只要唔影響我就無所謂啦,你攞到四分,自然唔會介意無做嘢嘅人攞幾多分。”對他來說,最重要是自己取得四分,可順利提前升職。
留言