新晉影帝古天樂（古仔）和導演杜琪峰、惠英紅等出席「第12屆鮮浪潮國際短片節閉幕暨頒獎禮」。古仔透露「金像獎」頒獎禮後至今還未慶祝，因為得獎後一直忙於工作。杜琪峰笑言驚古仔封帝後加片酬：「驚佢加價，不過佢都拎咗，吹咩！」古仔則表示和新導演合作不會計較片酬：「好嘅電影唔介意，新導演成本唔多，唔係降唔降片酬，只係配合成本。」（文：植筱詩）

古天樂表示和新晉導演合作不會計較片酬。

古天樂憑《殺破狼．貪狼》中的精彩演技，獲得多個最佳男主角獎項。

在頒獎禮上，杜琪峰搞鬼稱古仔為「古趣趣」，他解釋：「因為佢太有趣喇，人見人愛，車見車載。」問到會否和古仔再度合作，他承認但要先構思一下題材，笑指擔心古仔獲獎後會加片酬:「 好衰，都驚佢加價，不過佢都拎咗，吹咩！（佢加咗片酬？）佢想扮（要加片酬）但又唔識扮！」

杜琪峰（左）笑指擔心古天樂贏得影帝後會加片酬。

古天樂、杜琪峰及一班幕後電影人出席「鮮浪潮國際短片節閉幕暨頒獎禮」。

對港產片貢獻大

問到是否有恭喜古仔首度獲得影帝殊榮，杜琪峰表示：「我哋成日都見，住樓上樓下經常撞到。唔鐘意都要講恭喜，佢對港產片有好大貢獻，照顧好多年輕導演，出錢又出力，而家電影圈好少呢類人。」問到如何慶祝63歲生日，杜琪峯表示：「冇慶祝喎，唔係啲乜嘢大環節，自自然然就算。（搞派對？）人多就係派對，自然過喇！」

杜琪峰大讚古天樂出錢出力，對香港電影貢獻大。

古天樂和毛舜筠分別獲得「金像獎」影帝、影后殊榮。

全力支持新晉導演

古仔指香港電影「金像獎」頒獎禮後至今也忙於開工，稍後還要出發上海出席宣傳活動，故暫未有時間慶祝。而身為「鮮浪潮」董事的他，直言香港電影圈需要新血，所以無論如何也會全力支持：「新導演剛入行雖然面對嘅成本唔多，但無論製作費幾多，首先要做好本分，因為實戰時面對嘅問題唔單止係錢，要學好多嘢，埋位時就好多嘢。」

同杜琪峰再度合作

古仔坦言暫時未有新導演找他合作，他否認是因為自己片酬高：「好嘅電影係唔需要講價錢。」問到會否為新導演減價？古仔表示一定會配合：「新導演成本都係少， 所以點都會配合嘅。」談到導演杜琪峯生日，古仔表示已跟大班朋友與壽星公慶祝，更指稍後雙方有機會再度合作。

暫冇興趣做導演

問到古仔可有興趣嘗試做導演？他坦言暫時沒有這個想法：「應該唔會，因為做導演嘅話，演員身分就要放低，好辛苦。」而曾與不少新晉導演合作的惠英紅，則自言有做過監製、製片及副導演，但認為還是喜歡當演員，她說：「因為做導演好辛苦，壓力好大，我比較享受拍戲。」

古天樂和惠英紅均表示，暫時未有嘗試做導演的想法。

古天樂直言香港電影圈需要新血，無論如何也會全力支持。