立法會今年第二次辯論「中澳駕照互認」。運輸工務司司長羅立文表示，要辯論內地與澳門駕照互認，甚至說要公開諮詢感到尷尬。「澳門係中國，回應同胞的駕駛執照都要辯論？都要公開諮詢？我嘅睇法係佢哋有呢個權，唔係優惠俾咗佢哋。」
他又指出，現時澳門已與110個國家有駕照互認，「現在第111個國家，係我哋嘅祖國，我哋要辯論？要公開諮詢？我對於呢個問題，完全無疑問。呢個唔係政策，唔係政治，係自然應該做嘅嘢。」他又稱，中澳駕照互認實施後，若出現問題，政府會處理。「澳門特區政府有大把部門，我哋一定會可以處理問題。」
間選議員崔世平支持駕照互認，認為內地人可以來澳駕駛，充分體現國家主權。間選議員張立群則表示，駕駛者應該知道的自己的駕駛技術，「唔係揸架車撞死人又去揸咩？」即使發生交通事故，亦會有賠償和保險，根本無需過慮。「放心啦，我哋祖國對於紀律咁嚴明，我哋天災都派解放軍嚟啦，如果塞晒條公路，公安都落嚟截啊！你擔心咁多做咩？幾時輪到澳門擔心呢啲亂啊？」
官委議員柳智毅同樣支持駕照互認，他稱︰「有啲人為反對而反對，無論你點講，佢都係唔會明嘅，講嚟講去都係個套架啦。」當局不斷用未有實施中澳駕照認證時的數據作比較預計，被多名議員炮轟不科學。柳智毅說︰「唔通叫政府請個巫師，請個算命師，或者揸住個水晶球話俾你知，將來十年後，五十年後澳門係點樣咩？」認為數據只能作參考，不能對當局「吹毛求疵」。他又指，有部分議員的意見誇大駕照互認對澳門的影響，誤導社會。
提出今次辯論的直選議員吳國昌表示，政府應就中澳駕照互認立即重新檢討及公開諮詢。他指澳門地少車多，各種交通問題又未解決，憂慮現階段措施會令澳門交通壓力遭受龐大衝擊。促請政府應主動尋求國家的諒解，表明鼓勵居民和訪澳旅客以乘搭公交和步行為優先。
直選議員區錦新表示，按政府現時介紹的駕照互認方案，有駕照的內地人來澳連登記都不需要，就可以在澳門駕駛。政府連有多少人合格都不知道，「連一邊的把關都無，你叫澳門人點會唔擔憂？」澳門道路狹窄容易發生交通意外，即使涉事雙方都是本地人，要追討民事和刑事責任往往都要搞到「雞毛鴨血」，「如果肇事者係內地人，佢唔賠嘅時候，係咪有辦法追討呢？」