《深宮計》帶挈搵外快
劉心悠獲斟拍內衣廣告
無線劇集《宮心計2深宮計》收視成績理想,劇中演員獲帶挈多了出騷工作賺外快。劉心悠在戲中穿上性感唐朝宮廷服演宫女,獲得廣告商垂青,斟她拍內衣廣告,令她受寵若驚,笑言自己一向保守,今次才性感一下。不過,她亦好開心拍這劇集有迴響,帶挈她搵外快。
昨日,劉心悠、馬國明、羅霖及康華等《宮心計2深宮計》演員,出席慈善義賣活動。會上公佈該劇網上播放率已破廿一億。馬國明表示無意效法馬浚偉公開裸照,若收視率再好,他會在慶功宴上拿現金出來抽獎,慰勞同事。雖然這劇集收視好,但馬國明正趕拍其他劇集,抽不出時間出騷賺外快,甚至忙到連世界盃都冇時間睇。問他拍這劇時,可感受到女友黃心穎藉對白示愛?他笑言:“唔知呢,但現實中她肯定沒有這樣做。”日前心穎在《美女廚房》展示的廚藝時慘獲負評,他笑言未試過女友的廚藝,有機會都想試試。
劉心悠聽聞《深宮計》播放率破廿一億,表示開心到個心跟着數字一齊跳。她亦附和馬國明,如果收視再好些,在慶功宴上會出八千八百八十八元供大家抽獎,取其好意頭。在《深宮計》中,心悠穿着的性感唐朝宮廷服,吸引到商告廣青睞,她表示:“劇集出街後,即有人找我拍內衣廣告,目前仍在洽談中。我對此真係受寵若驚,因為我一直以來都較為保守,入行十年先敢露背。今次件衫係有點低,又好難打底,踎低身行禮時的確都幾性感。(你的內衣會否有性感的喱士款式?)都會有,主要是襯衫有時要露出一些喱士邊的。”
對於粵語發音不準被網民惡搞取笑,心悠表示:“係呀,我知道他們取笑我演古裝劇好似講英文。(可想找個香港男友教你講廣東話?)這個雖然係好辦法,但點解唔直接去上堂學呢?”
留言