小春為伊健個唱出謀獻策
相識逾廿年的鄭伊健與陳小春,日前接受商台訪問,大談“不常見面但常在心”的友情。
伊健和小春不約而同稱最難忘的事是二○○七年拍劇,為了一場對打戲吵得面紅耳赤。小春說:“當晚互當透明,唔瞅唔睬,但第二朝互講早晨就化解了。”伊健說:“大家都係為件事好,只係觀點唔同。拍打交戲最易扯火,但唔會傷感情。”小春承認這件事讓他更了解伊健。
對於伊健明年在紅館的演唱會,創意爆燈的小春建議將演唱會“劏房制”:“一場演唱會兩個半小時,每半小時為一份,即係分成五份。你唱一份,然後判四份出去,請郭富城唱一份,黎明又唱一份……”伊健哭笑不得,說:“小春就係咁啦,成日好多諗頭,我哋跟佢指示去做。”問小春得到其中一份演出時間會點用?他邊數手指邊說:“你畀半小時我都得呀,我依家做緊演唱會嘛,拎少少出來就唔使再彩排,又或者再劏幾份判出去。”問小春會唱伊健哪首歌?他想也不想,就揀了《Beautiful Day》:“每次聽佢唱呢首歌都好有正能量、充滿希望,好開心!”
留言