多個等上樓的公屋項目,包括青洲坊大廈、青濤大廈及快盈大廈共逾千個單位,去年因「天鴿」吹襲受到一定程度損毀,導致入伙期延誤,其中青洲坊大廈最近才安排首批住戶上樓,以為可以安安樂樂,惟好境不常,政府在最新一次收則時發現該大廈近二百七十道消防門唔合規格,未能過關,需要重新購置更換,涉及四千萬元公帑。事件再次反映出公共房屋的建設有多甩漏,費時失事,損耗人力物力。
青洲坊大廈於二零一二年完成設計,時易勢易,工程之長,追唔上時代,有關消防門未能符合已提高的消防標準,青洲坊大廈經過三次收則,最近一次才發現問題,導致該批消防門變成廢料,得物無所用。新例提高了消防標準,從安全角度考慮,更新消防門是必須的,人命尤關,即使浪費公帑,政府也得要做好,不能馬虎,矇混過關,這即毫無疑問。四千萬元,相比用上數以億元來裝修翻新公共項目,銀碼算少!
不過條數唔可以咁計,若公共工程能夠擺脫慣性延誤,或許就能夠避免出現所謂咁多難以預測的情況,當中需要做好前期規劃,預視可能會碰到的問題,能更周詳考慮,亦不至於因為左改右改而超支。建設必須用錢,但花了錢都唔可以成事,就很難令人有信心。正如司長形容自己日日好似救火咁,有時仲幾個火頭,唔知救邊嗰先。本澳尚有許多公共工程開展中或待進行,若長此下去,有救火英雄都唔掂!
山草
留言