李幸倪避談富貴男友
陳柏宇、曾樂彤、李幸倪等前日出席KK BOX香港風雲榜發佈會活動,大會宣佈“十大風雲歌手”由陳奕迅、容祖兒、楊千嬅、陳柏宇、李幸倪、胡鴻鈞、AGA、菊梓喬、C AllStar等獲得,曾樂彤則得年度新人大獎。
李幸倪早前被指跟富貴男友相戀兼同居,前日她被追問此事時否認拍拖,更避談男友。她表示:“希望下次再有機會做頭條係與音樂有關的。(係咪拍拖?)邊有時間拍拖呀!今年都想專注事業,我在頒獎禮上有講過要低調做人、高調做音樂,所以生活上都好低調。”
被問及周刊指她“脫貧住豪宅”,李幸倪坦言生活的確比以前好咗,問到是否自購物業?李幸倪好大反應地說:“點買得起呀?(男友買?)唔講啦,如果有任何好消息就會同大家講。(拍拖都唔係好消息?)有好消息會同大家講。(如果影到會認?)到時先算。”追問現時好幸福?她再說:“兒女私情先擺埋一邊,討論國家大事先,就係我今年會進軍大中華市場,會推出全新國語碟,依家狀態愈來愈好,多咗人認識。”
留言