近日本澳又再上演金錢世界的真證故事,一名本澳女子疑利用地產公司名義,以高息作招徠進行非法集資活動,吸納了大批「投資者」注資,不過最終又出現連本金都攞唔番的情況。司警至今共接到三十名港澳及內地居民報案受騙,涉及金額一億七千萬港元。消息更指嫌疑人向銀行借貸後逃離澳門,而本澳不少知名人士亦成了受害者,以為仗義相助,兩肋插刀,借出巨額款項,豈料對方粒聲唔出走咗佬!
事件轟動社會,嫌疑人更被揭發其所屬公司於早年斥資逾一億元收購關前街和俊秀里的多間店鋪,計劃打造文創商業區域。唔知喺咪因為路數太多,十個煲九個蓋,投資失利,搞到「爆煲」收場!類似高息作餌,疑非法集資活動近年相當活躍,諸如「入股」賭廳,結果一個又一個「爆煲」,「投資者」追收無門,甚至乎一開始就是騙局,吹噓「不用做事有錢賺」,只須注資小量金錢,便可得高回報,初時叫人為之雀躍,最後教人血本無歸。
近年澳門社會快速發展,投資氣份濃厚,人人都在找財路,不論是房地產或股票市場,投資者比比皆是,但不等於風險高就是回報高,所謂高息借貸、集資等活動應運而生,實際上,都喺比錢人投資,不過投資咩未必知,亦無保障,但通常有一個共通點,就是投資初期,準時收高息,故容易讓人落搭,而對方亦可能將投資者的款項進行連串高風險活動,一有閃失便釀成骨牌效應。對於這類活動,目前法例監管似乎仍有缺口,當局有需要檢視問題,喚醒投資者,防止同類事件一再發生。
山草
留言