智霖與家燕最佳母子檔
張智霖(Chilam)與薛家燕昨日以宣傳大使身份,出席由新身份證換領中心舉行的頒贈感謝狀儀式。家燕姐自爆其子石耀庭是首批換領智能身份證人士,更表示可以帶她一起換領,不過她近日好忙,未得閒去換領。
Chilam表示要黐實家燕姐:“因為之前為家燕姐的演唱會任嘉賓好有化學作用,更被廣告商睇中,邀請跟家燕姐合作做代言人,真係好心有好報。”家燕姐說:“廣告商睇完覺得好親切、真實、好精彩。”Chilam即謂:“家燕姐真係帶挈我,再合作梗係好啦!我諗要送返份禮物畀佢。”
Chilam表示因以前合作拍電視劇《十月初五的月光》的角色深入人心,所以兩人常有很多合作:“她在大家心裡是最佳媽媽的形象,希望我也能是最佳兒子。”家燕姐大讚Chilam對她真係好好,試過親自送她入院,開個唱時二話不說應承任嘉賓。Chilam聞言即說:“呢個情係真,係真情!”問到兩人可會想演情侶?家燕姐笑言要先問過靚靚,Chilam就搞笑謂:“睇新聞指家燕姐好多男友,咁多對手,唔容易。”
農曆新年將至,Chilam透露會一家人到北海道旅行:“這是我第一次滑雪,做了不少功課,希望玩得開心。”
智霖太太靚靚近期為拍新戲減重近廿磅,狀態大好,Chilam笑言自己並不感到壓力:“其實我狀態也不錯的,如果有工作需要,我也可以去減的。(喜歡她瘦還是胖?)都可以啊,她之前幸福肥的時候也不錯。”
留言