賀新劇收視續升
李佳芯派椰汁奶露
郭晉安、馬國明、李佳芯(Ali)、馮盈盈及姜大衛昨日一起出席劇集《白色強人》宣傳活動。一眾藝員大玩遊戲和做瑜伽,安仔動作顯得有點生硬,他笑認骨頭脆。
宣傳活動期間,一眾藝員與觀眾一起大玩遊戲和做瑜伽運動。現場所見,七十一歲姜大衛身手靈活,柔軟度拍得住Ali和馬國明。但安仔似乎硬手硬腳,他笑說:“平日我都有經常打網球、踏單車及跑步,但就從未做過瑜伽,年紀大啦,骨頭脆。”
昨日現場活動公佈該劇首集成績高開,平均收視為廿八點七。Ali笑言男藝人可露腹肌慶祝,若收視升至三十三點,她就會派甜頭。被問她會派甚麼福利?Ali笑說:“收視高當然要派甜頭,派椰汁鮮奶露啦!”會否穿比堅尼示人?她笑說:“派甜品,我萬歲!着泳衣就不是我強項,留給其他人啦。或者叫馬明露朱古力腹肌,我未見過。我承認比較孤寒,騷身材冇突破,演技上就可以突破。”
安仔被問如何賀收視高開?他就說:“我的腹肌仲未練好。(馬國明話睇你頭喎)叫佢唱歌啦,馬國明唱歌好好聽!我同佢一齊登台合唱過《沉默是金》,如果收視有三十三點就唱。(但李佳芯要求露腹肌!)點解女藝人咁唔矜持口架,呢個風氣唔得,應叫女藝人露八塊腹肌,依家的女藝人好犀利。”
提到視帝人選,安仔稱會投馬國明一票:“佢在劇中表現柔情一面,好令人喜歡,而且角色十分適合佢。我每年貼邊個拎獎都貼中,我今年貼馬國明。不過我都係唔好畀咁大壓力佢,唔好亂講。(你唔爭視帝?)獎係觀眾畀,當中有好多因素。而且TVB仲有好多強劇推出,呢個時候唔應該有咁多想法。”
留言