家燕姐綵排真唱練氣
薛家燕將於本月廿九日來澳舉行演唱會。家燕姐連日來忙於綵排練氣,不敢鬆懈。她透露今次澳門站加插全新的“登基”環節,好友米雪及王祖藍亦百忙中抽空做嘉賓。
綵排時,因為擔心家燕姐邊唱邊跳太累,其大女要求她只排練跳的部分,到正式演出才真唱,但家燕姐一口拒絕︰“我話唔得,因為我有個習慣,排舞時一定要同時唱歌。否則上台後又唱又跳才發覺喘氣位不對,仲唱到喘氣,所以我寧願綵排時辛苦少少。因為我排練十次,就唱足十次,熟能生巧,又可以練到氣。”
米雪亦有份綵排,家燕姐表示:“我好欣賞米雪在舞台上的演出,香港觀眾睇佢拍劇多,但就好少睇到佢載歌載舞。我同佢走埠好多次,默契十足。至於祖藍,相信大家都有睇過《Sunday扮嘢王》,我哋係扮嘢好拍檔,拎過好多次獎,希望會帶給大家驚喜啦!”
留言