薛家燕搞《五十年》慰勞宴
薛家燕日前搞慰勞宴,答謝《流行經典五十年》台前幕後,連久未露面的黎小田都畀面出席。家燕姐與胡仔異口同聲表示得閒會上節目做嘉賓,更笑說會先練定歌。
《流行經典五十年》主持人薛家燕、黎小田、胡諾言與陳敏之不經不覺做了兩年多,七月初交棒給胡楓,家燕姐為此筵開四席答謝台前幕後。當日家燕姐同敏之帶了不少代言禮物,小田哥就拿出兩封現金利市給大家作抽獎。
家燕姐說:“好開心!今晚難得請到小田出席,佢話都等咗好耐,想同我哋食餐飯,但佢一見到我就問點解唔先打鋪麻將?”
黎小田早前因肺炎在家休息多時,昨出席慶功宴時精神不俗。他笑說:“我哋拍檔好耐,叫我做呢個五十年,本來係叫五十強,但一做就兩年。嘩!你知電視台冷氣勁啦!做到我病咗。大家最緊要身體健康、身壯力健,好似家燕姐咁捱得住!”
留言