有市民反映，政府一直以來的政策都以商人利益為依歸。李小姐表示，澳門回歸後特首停建十年經屋，推出置業移民、利息補貼，全部偏重商界、地產界，令澳門樓價勁升幾十倍，食住都貴，生活相當艱難。經屋呎價達四千多或三千多元，非常昂貴。形容幾乎全民都是夾心階層的人，都不想做經屋房奴，而且出售經屋要賣給輪候者，希望將呎價除去土地溢價金，限呎價在千五元以內。社屋方面，申請標準亦非常刻薄，希望將兩夫妻平均八千六百多的入息上限提高八至十倍。
賀一誠又表示，自己來自商界，但政策不會偏商，會以市民利益為依歸，政策要兼顧「便民便商」。他直指經屋呎價不可能訂千五元，現時建築成本約二千元，並涉及公帑運用，「唔可以攞到經屋，政府仲要貼好多錢畀佢，排唔到啲人會點諗？」又強調建築是一分錢一分貨，不能將貨就價，「一定要起好嘅樓畀老百姓、畀市民，希望住係度唔係炒，係可以住到終老。成本方面唔好去慳，但要用得其所，唔好一陣又跌磚，一陣又漏水。」
另外，亦有與會者關注祐漢舊區重整的問題，賀一誠回應稱，現時本澳有條件建置換房，讓該區二千多戶居民遷出暫住，要「一屋換一屋問題不大」。但重建樓宇需要先統一居民思想才能走出第一步，否則十幾年後仍原地踏步。若果居民有共識令舊樓「拆得郁，政府完全好願意去郁」 。