朱朱最欣賞廣沛捱得
“女神”朱晨麗明言:欣賞“俊男”何廣沛捱得!經常演動作戲的朱朱大讚廣沛:“我覺得自己已是好捱得的人,冇想到佢比我更捱得!”吃得苦中苦,方可奪芳心。
話題一轉,朱朱講何廣沛:“有次,我們在太陽谷拍實景,廣沛要爬井,又要埋泥底,好辛苦。更慘是拍攝現場有很多好毒的紅蟻,好容易被咬到,很危險。我都好擔心佢,但佢堅持自己做,而且全部完成,冇中途放棄,我覺得這個男仔眞係好捱得。”
男人捱得,令靚女傾心。但何廣沛自認並非靚仔:“我以前讀書戴眼鏡、唔識Gel頭,性格比較文靜,毫不起眼。在美國讀大學時才開始懂得打扮一下,漸漸朋友覺得原來我都唔錯,但外國人始終不太鍾意亞洲味。返回香港入TVB後,才覺得自己樣子還可以。”
入了娛樂圈,始才驚覺藝員不能只得顏値,更重要演技和經驗。“演了很多角色,沒法好好去把握。”何廣沛說:“初入行雖然盡力去做,但做極都做唔好,只掛住講對白,卻沒有演技。”於是找導演彭秀慧上堂,過了一段時間,公司開始給予機會——《律政強人》監製打算隨便找個後生仔飾演方中信的徒弟,沒想到拍出來有效果:“我都有一團火,面對前輩演員完全無怯場,可以對着幹。”
許多前輩說,做戲扮蠢很容易,扮醒目有難度。《包青天》的“樓蘭傳說”中,何廣沛演植物人——瞓一瞓就有錢收,又不用日曬雨淋。何廣沛對於“睡演”有硏究的:“不可以眞的入睡,如果打鼻鼾就會影響拍攝;這是植物人,盡量不可以有很大的呼吸動作,讓觀眾看到就唔好,都有難度的。”花盡心思去演植物人,何廣沛說是因為“導演親自找我演樓蘭公主伏蘭的愛人,不想隨便找一個人去演。”(朱沛情話炎炎:二之二)
高 梁
留言