田蕊妮為開騷學結他
田蕊妮日前接受娛樂新聞台節目《StarTalk》專訪,大談首度開騷感受。
田蕊妮透露邀得父親做個唱嘉賓:“佢開心之餘,亦好緊張。佢作為我老竇,關係冇得切割,所以佢冇得唔答應。有一日佢打電話畀我,問我到時着咩衫?使唔使買條西褲?佢真係好好笑。其實我老竇係退休人士,佢突然間有啲嘢做,有咗寄託,我都好開心。”
阿田亦決心為了演唱會去學結他:“最近去學結他,原本叫吳業坤教我,不過佢實在太忙。而且佢成日講笑問我去我屋企定去佢屋企學,激死我!依家我老師話我都可以見得人,但我仍然挑剔自己,到時會上台自彈自唱一首歌。完騷後會繼續彈,唔會放棄,因為我好有興趣。”
留言