輕軌搞咗咁多年終於話就嚟通車,用咗過百億元,只喺整咗氹仔一段仔,如果逐呎計,仲貴過港珠澳大橋。況且依家只喺起步,都未計媽閣樞紐中心大樓同埋要走澳門段條數,總之隻「大白象」仍有一條漫漫長路要走!若果市民可揀停止再搞下去的話,而將嗰筆錢分派,估計坊間逾九成人會舉腳贊成,奈何這只是夢。
政府頭已洗濕,反正庫房大把水,故點都要好好睇睇搞埋落去。
若然輕軌要走澳門線的話,料將會受到重重阻力,因過去已有不少市民反對,話不想輕軌走到其屋旁,話會影響居所外的景觀,又恐阻礙消防車、噪音呀等等,他們的憂慮亦不難讓人理解的。
政府若一意孤行要搞落去,不如揀些避重就輕方式,遠離民居沿海興建便可。在海上築建橋躉路軌,從媽閣方向一直走,經筷子基、青洲至關閘,咁做法除了可避免影響民生,更直接打通一條由南到北的集體運輸快線。另外,如果政府配合興建內港沿岸防洪大壩的話,輕軌更可直接在壩上走,省卻了另起橋軌的時間和費用,一箭雙鵰。
山草
留言