新的士法生效後在加重罰則之下,有關行業過去的歪風似有所收憸。而配合法列在車廂安裝攝錄系統,有圖有真相的情況,日後亦可減免爭抝,故市民或業內人士也普遍贊成。不過,近日有不少的士佬牙痛咁聲,因系統要每月畀三百元維護費,感覺好似被人撳住搶咁。而的士總商會方面更「鬧爆」,連系統開標的程序都未完成,究竟用那一款系統都未知,點解當局可以咁快定出要收那個額數的服務費呢?莫非有「蠱惑」早已有心儀之選,這真是令人百思不得其解呀?
交通局一向都喺閉門造車,尤其是涉及要開標競投的項目,「重門深鎖」拒外間參與提供意見或了解內容,那管你是持份、消費、使用者等都好,一律對唔住無你份。巴士續約合同喺咁,的士攝錄系統又喺咁,而當中有乜不可告人的秘密呢?真喺要佢地先知囉!
有關商會記然已質疑當中是否涉利益輸送,及要「硬食」三百元服務費的不公,咁點解唔去向老廉求助,讓他們徹查釐清事實的真相,好過依家谷住條氣喺到估估吓。況且,若揭開咗個坑渠蓋的話,隨時有好多意想唔到嘅古靈精怪嘢走出嚟都唔定呀。
山草
蠱惑的標
留言