電話詐騙案好似“停不了”,喺今年首十個月已有八十四宗,總共損失咗近千三萬元,這個數字真喺唔講得笑。而且上當嘅人更趨向年青化,先後有十六名大學生被呃,唔怪之得坊間啲人成日都話,讀多多書都無用,通街都喺高分低能。
其實電話詐騙已玩咗多年並非新鮮事物,而騙徒來來去去都喺用嗰幾招,咁點解仲有咁多人上當,而大學生「中招」似有上升的趨勢,中伏者更主要是來自內地的學生。或許是人在異地對“民情”陌生,對本地的認識欠奉,又唔敢向同窗宣講,所以才墮入騙網。
電騙這問題已困擾濠江有一段頗長時間,奈何犯案者往往身在別國,透過大氣電波來作案,隱晒身都無佢符,想拉也拉唔到!唯有加大力度宣傳,教導市民增加防騙意識,而針對騙徒使用新手法作案,司警局近期更推出咗詐騙預警提示,加上與外地執法部門加強情報交流,同埋年尾實施嘅電話卡實名制,相信對打擊電騙案起到一些幫助。
老實講重點喺當你接到陌生或可疑電話時,首先要冷靜聽吓佢講乜,若對方一講到錢的話,十之八九都喺騙徒,唔使理佢冚埋電話或者報案。
山草
留言