車仔佈陣捕喜鵲
【本報消息】英超的車路士力爭延續強勢,主場鬥上仗擊敗曼聯的紐卡素。車仔挾四連勝表現強勢,一眾小將踢出表現再添信心,在史坦福橋出擊,有望再添三分,為歐冠作客阿積士壯行。
車仔近況回勇,聯賽不敵利物浦後迅速反彈,連同盃賽搶得四連勝回升至第五,狀態及士氣十足。車仔人腳有優勢,前線阿巴謙與莫特兩名新星擔大旗後演出搶鏡,連同韋利安、柏度、奧度爾等領軍,鋒力有信心。雖然簡迪受傷缺陣,對車仔的戰力肯定有影響,不過喜鵲實力明顯差一截,即使上戰贏曼聯,士氣波亦難望為搶分添信心。車仔在主場可望延續至五連勝。
車仔小將莫特決心爭正選:“我原本打算向球隊申請外借,不過主帥林柏特說服我留下。他是個注重年輕球員發展的領隊,儘管球隊受轉會禁令影響,不過變相亦對年輕球員是好事。踢英超是我的夢想,夢想正一步步地實現,希望我能正式進入一隊,以主力姿態為車仔上陣。”
李城守土迎般尼
排第四的李斯特城在主場迎戰般尼。李斯特城上仗作客不敵紅軍,不過整體表現唔差,今季八戰得十四分搶佔前四,表現同樣可人。到訪的般尼近況不俗,不過李城有麥迪遜可望趕及復出,配合華迪、佩雷拉進攻,鋒力稍勝客軍。排第七的般尼近四戰不敗兩勝兩和,射手活特、J洛迪古斯狀態不俗,但作客未開齋兼場場失球,今仗仍有隱憂。狐狸兵若失分隨時失前四,為保位置一分不能少,決心十足之下有力睇好半線爭勝。
留言