拍煮食節目現場失火
鄧月平當救火英雌
鄧月平參與的 ViuTV綜藝節目於今日首播,開始時,不少人以為鄧月平人仔細細,何來似個廚師?但她在首集中的表現卻令大家相當驚艷。鄧月平(Larine) 參與的ViuTV綜藝節目《辣伙頭》今日首播,Larine有機會在節目中騷廚藝。
Larine自認初時準備不足;“以為依照平日的烹調水準參賽就得,豈料比賽的測試愈來愈難,要煮一些從未食過、從未煮過、都唔知咩味的食物。我就事先在屋企搵食譜搵靈感試煮,真係唔得的話就去問朋友偷師。好彩依家網上好多食譜,製作方法、調味配方好齊全,跟住做已有唔錯效果。”
唔講唔知,原來Larine六歲時已開始炒菜煮飯,所有家務都識處理,而且係源自家人教導、鄧媽媽真傳。Larine 說:“我諗大家唔會覺得我識煮食,其實我六歲開始,媽咪已經叫我入廚房幫手。因為屋企人覺得小朋友獨立係由細培養,所以屋企家務同瑣碎事好似縫紉、簡單木工等,爸爸媽媽、外公外婆都有教我做,他們覺得我將來作為一個賢淑的太太,係必須要識的。”
在首集節目中,參賽者之一的洛兒煮到失火,Larine 竟然奇異地唔怕熱又唔怕火,一手幫對方拎開燒着火的煲,工作人員卻嚇到碌大眼。Larine 說:“當時洛兒切緊菜,冇顧到個煲;我同佢同一張檯,見到佢冇反應,情急之下就伸手幫佢拎開個煲,希望令到個煲離開熱力,唔好個火愈燒愈大。然後主持人楊尚友用煲蓋整熄個火,最後大家都安全,拍攝冇出咩意外。”其後還發生了Larine為幫人而切傷手事件。有次 Larine幫另一位參賽者切帶子,結果左手掌中刀收場:“我幫佢開帶子時太心急啦,成把刀隊落自己隻手度,當下我見有血滲出,就即刻用紙巾包住隻手,然後不斷換紙巾,因為傷口都幾深。直到完成晒成個比賽,都冇人發現我受咗傷,因為我隱藏得非常好。”
留言