警星飯聚好平常
“瘋搶廁紙,是白痴!”外國官員似意有所指,成了國際新聞,新肺炎又會否影響大腦?另外,香港警隊“一哥”出席飯局時説“成龍是我偶像”後,即被人問點解警務人員會與藝員一起吃飯……任何人都需要娛樂,任何人都需要吃飯,任何人都有社交的。
香港警務處長鄧炳強、總警司謝振中、成龍、曾志偉、譚詠麟、方中信、張智霖、林國斌、歐陽震華、盧惠光、羅鈞滿、衛志豪等等,“警星飯聚”的短片與照片網上瘋傳——席上“一哥”鄧炳強跟成龍、曾志偉、阿倫搭膊頭唱《朋友》;謝Sir也與阿倫合唱……一哥發言多謝晨曦明星足球隊跟警隊踢波又一起吃飯,“我好興奮,有成龍、阿倫、志偉及Ben(林國斌),全部係我偶像。我個心跳得好緊要。其實,點解我在區議會講嘢咁叻,就係聽志偉嘅《開心字典》。我做警察,係因為成龍大哥、方中信,全部都係學你哋……”估佢唔到,一哥係天字第一號影迷,“我唔知點做警察,睇吓睇吓就識做。另外,我眞係好憎阿倫……”一哥指着阿倫說:“因為,我老婆鍾意你仲多過鍾意我。不過,冇法啦,我都好鍾意你(阿倫)。”
“其實,大家係老友,全部在心中。”一哥再次多謝衆多的演藝界朋友,“唔使講嘢,只要你哋畀個手指公我哋;我哋赴湯蹈火,在所不辭。”全場歡呼,齊舉起手指公。
短片所見,“甚麼時候係見眞情呢?”阿倫説:“患難就見眞情!”
“警星飯聚”短片網上瘋傳,又議論紛紛。香港警察公共關係科回應:“警隊在職及退休同事經常與不同機構或團體的足球隊交流切磋。當他們於工餘時間與一隊足球隊舉行球賽,賽後兩隊參加者及其親友一起聚餐。聚餐費用由雙方共同承擔,整個活動屬私人性質,不涉公帑。”
高 梁
留言