Dear Jane口頭承諾唔解散
樂隊Dear Jane為音樂訪談節目《我們的音樂時代》任嘉賓,大談樂隊入行多年變化。
節目主持人許文軒於《港 · 樂隊》環節中,問四子玩POP Punk 類型歌曲成績是否不及唱情歌好?Howie說:“其實我哋真係時不時推出Punk歌及情歌,有時會諗我哋的Punk歌係咪咁難聽呢?”
對於唱情歌得到觀眾受落,Tim表示樂隊打造《不許你注定一人》開始有好大迴響:“最初時候有好多負面聲音,話歌名咁長好老土,九十年代咩!派歌時我去咗三個星期旅行,因為我去咗求婚。返到香港剛好有個大學騷,係我哋第一次唱呢首歌。印象好深刻,我一開聲唱第一句,竟然全場大合唱,個個都識唱。我從來未試過唱到毛管戙,我記到今日,有Fans多謝我哋創作了情歌、愛情三部曲,好似記錄佢哋的經歷一樣。”
Howie就笑說:“老實講,樂隊的彈奏唔係最叻,但既然大家有心走埋一齊,我哋唔會離棄大家。我哋四個人有個口頭合約,就係夾Dear Jane夾到死為止。”
留言