否認男友一腳踏兩船

    鄧卓殷甜蜜談戀情

    洪永城、鄧佩儀、黃嘉雯、鄧卓殷、丁子朗及周志康等昨日出席明珠台節目宣傳記招。眾人在台上分享“最野性”經歷，洪永城自爆去非洲工作時試過食屎，黃嘉雯被問到可會食？她笑說：“監製叫到都會試食。”

    洪永城透露今次純粹以嘉賓身份出席：“之前曾為動物紀錄片做旁述，小時亦愛跟爸爸一起睇動物紀錄片，可說是人生想比較特別的經歷。”洪永城表示因為近日疫情反彈，不單防疫措施再度收緊，女友梁諾妍的健身中心也受影響：“暫時都未知情況，多多少少都有影響，可能又要再停一停，搵其他收入。但冇辦法啦，最緊要安全。”

    問到他的工作又有否因疫情受影響？洪永城透露原本十、十一月會到世界各地拍攝講述疫情後對社會及生活有何影響的旅遊節目，但現在應該不能成行。他苦笑說：“其實已經打定輸數，我都有一年冇飛去外地，呢段時間唯有開電視、睇住個無人海灘，就當係去咗旅行，我覺得這個方法不俗。（係咪同女友一齊幻想？）佢梗係冇啦，可能佢見到我咁樣，要重新評估呢個男朋友，或者問我要不要分開一下。”有提議可以穿泳褲搽太陽油，他笑言會考慮一下。

    一八年參選港姐得亞軍而入行的鄧卓殷，昨日亦有份出席記招。她表示有留意今屆參加香港小姐的佳麗，並大讚候選佳麗質素平均：“既上鏡又標青，身形亦頗為高挑。”身為師姐的鄧卓殷表示，參選港姐後令她有自信面對鏡頭，並感恩近期有機會參與劇集與綜藝節目的演出。對於有幾位佳麗宣佈退選，她亦大感可惜：“呢個係一個好好挑戰自己的平台，如果因為個人理由唔可以參選，希望下年再參加過啦！”

    郭子豪最近公開承認與她拍拖，鄧卓殷卻表示當日知道男友公開認愛，感到既突然又甜蜜：“其實他要公開講感情生活係需要好大勇氣的，以前覺得如果被人影到就公開。他在訪問中講感謝我的說話，是令我感到好心甜的。”被問拍咗拖幾耐？她說：“都有一段時間，依家公開咗就唔需要再避忌，冇咁大壓力。”

    對於有指郭子豪曾一腳踏兩船，與當時女友一起時又與鄧卓殷拍拖，她澄清說：“我們一齊拍拖的時候，大家都是單身的。”