石詠莉錄HiFi碟成功洗底
石詠莉接受J2台音樂節目訪問,談及在事業低谷時,幸得老公鄧健泓予以信心。她更自爆有意推出HiFi碟時,卻遭到一些唱片公司冷嘲熱諷,最後自資圓願。
石詠莉在節目談及由組合Freeze成員到製作HiFi唱片感受,她說:“一四年我跌到谷底、想放棄,多得鄧健泓畀信心我。我好想做原創歌,但一○年我試過後宣告失敗,出咗等於冇出,所以決定做HiFi碟。因為我覺得一個歌手,係應該以聲音行先,唔係形象同新聞,所以HiFi碟中唱一些大家熟悉的歌,令大家可以真真正正咁聽到我把聲,以前組合時期又真係少機會畀大家聽到我把聲。”
問到有否覺得因錄HiFi碟而成功洗底?她說:“其實最初唔係想自資,因為同過一些唱片公司傾過,但反應係No,聽到一啲好難聽說話,話唔好幫佢啦,幫佢會唔會影響唱片公司形象?唔好使錢落佢度,做極都做唔起。亦因為咁而令我慢慢學識點樣造好一張好的HiFi唱片,亦畀大家睇到我的誠意同用心。以前我好介意在別人面前提起石詠莉呢個名,因為個個聽到都會耍手兼擰頭,依家我唔介意啦!我仲好開心呢。”
留言