鄭世豪專程為陳偉琪寫歌
早前“細龍生”鄭世豪就用歌手身分,送咗份禮物給劇中離開佢的“細龍太”陳偉琪(Vicky),而且呢首新歌《只准你話我是傻》更由世豪親自填詞。歌詞當中有兩人在劇中充滿經歷及歷練的愛情故事,令不少《愛 · 回家》劇迷勾起不少回憶及共鳴。
問到細龍生點解會為細龍太寫歌?鄭世豪笑言:“對上一首歌《等得太久》推出後,我分享給Vicky,點知佢幾日都無回覆我,已讀不回我的WhatsApp。後來開劇時才知道Vicky因為我無搵佢做MV女主角,嬲咗我幾日。所以當我知道細龍太即將要離開我一段時間,我就有靈感要為佢寫一首歌。為配合兩人的愛情故事,所以就用呢個歌名去紀念劇裡面呢段情,而且一定要搵Vicky做女主角先夠貼切。導演在MV的結尾都加了條伏線,希望會延伸返去劇集,成就呢一個大團圓啦。”
問到拍MV最難忘的事,世豪說:“因為我哋合作咗一段時間,所以拍談情部分好快可以配合到。反而有一幕係我哋要到沙灘玩水,我就NG好多次,搞到Vicky濕晒身,又畀佢鬧我廢柴老公,哈哈。”
留言