徐繼宗想重組星盒子
音樂人徐繼宗日前接受了J2音樂節目專訪,拍攝當日,主持人許文軒特意為他送上驚喜,私下聯絡阿宗的兩位前隊友區永權(Albert)和陳鳳於訪問途中亂入,最終成功令阿宗嚇一跳。
前樂隊“星盒子”於一九九九年成軍,到現在已逾廿年,難得齊人同場,三人分享了當年去台灣發展經歷。阿宗說:“當時台灣滾石簽下我們,我們就飛過去發展。但兩年的生活可以用艱苦形容,未有出碟時候,冇錢到只係買蝦皮去炒蛋食。”
提到林一峰當年決定離隊,區永權說:“本來係四個人,一峰去到台灣後離隊。你話當時冇嬲就假,我已經唔記得嬲到咩程度;但最無奈的應該係陳鳳,因為阿鳳係直接識佢。”陳鳳說:“當時我自己有點迷惘,得返三個人,究竟公司仲要唔要我哋?面對前程未卜的時候,佢哋兩個捉咗我去學結他,其後我就專注做呢件事,就冇再去諗。”
問到有冇機會正式重組?阿宗說:“我有諗過,就算佢哋兩位獨立做,都應該做到一些音樂項目。我成日同Albert講,不如寫返歌?因為佢曾經得過第十二屆CASH流行曲創作大賽亞軍。如果再做的話,我想做廣東歌,因為星盒子未唱過廣東歌。”
留言