新青年理髮廳尊重不同創作
香港創作組合“新青年理髮廳”日前接受J2音樂訪談節目主持許文軒專訪,大談沒有大公司背後做獨立組合感受。Showroom說:“做獨立組合最難就係,唔係做音樂咁單一,又要宣傳、包裝,令人知道我們存在等等。所以組合在視覺方面的就由我負責,音樂部分就交畀區樣同發仔。”
問到三人的創作過程,區樣說:“靈感來自生活遇到的事,不過好難次次都三個人聚集一齊討論。因為創作係好獨立的事,拎出來講就好易鬧交,大家對同一件事都有唔同定義,所以要學習合作,學習尊重大家的唔同諗法。”
對於作品曾被指難登大雅之堂,區樣說:“我們從來冇話過想作品Raw啲、簡單啲,走音係唔好,懶音亦改緊。可能我哋就係冇大公司,所以只可以不斷默默做、更加專心去創作去證明自己。我哋唱歌唔係特別好聽,但係有感覺。只要音樂能夠同觀眾溝通,就算清唱都可以上到大台。”
留言