剛完成隔離想玩耐啲

    謝嘉怡有信心晉決賽

    特備節目《港姐有問題》前日在電視城錄影，身為節目主持人的嘟姐、陸永及C君，齊齊大讚一班準港姐唔錯，轉數快，聰明及好有記性，而且好有心機溫功課。

    由鄭裕玲(嘟姐)、“農夫”組合成員陸永及C君主持，以考驗今屆十五位港姐候選佳麗的特備節目《港姐有問題》，前日在電視城進行錄影。三位主持人大讚佳麗聰敏認真，嘟姐說：“唔錯呀，轉數快、聰明及好有記性！而且好有心機溫功課，上至天文、地理、歷史，下至餐牌，都可以背出來，證明人類無極限。”C君則表示對海外佳麗謝嘉怡的印象比較深刻：“因她在外國長大，但就可以用中文回答，已經好盡力。”

    但當問到心水佳麗人選時，嘟姐大打官腔：“個個都唔錯，個個都有機會。”正當陸永想出聲講心水佳麗時，向來謹慎的嘟姐即時訓示陸永和C君唔好亂講說話：“唔准發表意見！要保持公正，免得對佳麗不公平，影響觀眾投票呀。”收到指令的陸永便抵死地說：“暫時全部睇唔上眼。”並透露將會再淘汰三位佳麗，十分殘忍。但一向唔會乖乖聽話的農夫，再突然搞笑地爆出一句：“睇好Carol！”此乃嘟姐英文名，立時惹來現場一片笑聲。

    問到嘟姐有否留意佳麗的負面新聞？她謂，“冇！唔會留意負面新聞。”陸永笑言:“她連正面新聞都冇睇。”三人稍後與佳麗還有類似的節目，追問是否與見工有關？嘟姐就唔想多講：“我冇講，你們（指傳媒）知道係另一回事。”繼而再訓示農夫不要多講，做好主持本份就好了。

    候選佳麗陳楨怡透露節目中被測試語文、地理和歷史：“自覺語文方面較優勝，但前一晚要通宵溫書，以致額頭爆瘡。不過，重拾書本亦令我回憶起諗大學捱夜溫書的日子。”談及稍後還有三位佳麗要被淘汰，她表示會努力備戰練習口才及才藝表演。

    海外佳麗謝嘉怡覺得今次考驗好難，原因是她中文不好，所以要把廣東話先翻譯成英文，理解完再用廣東話表達，反應便較其他佳麗慢。問到有否信心晉身決賽，她直言：“想呀！因剛到港完成十四日隔離，唔想太快被淘汰。”