黎澤恩考牌做兼職
Mr.成員黎澤恩(Ronny)前晚出席模特兒比賽並任評委,談及疫情影響,Ronny直言音樂工作大大減少,最近開始教人彈結他,又考了地產經紀牌照及保險經紀牌照。他說:“地產經紀牌已經考到,但未做到第一單生意;第一張保險單係我幫老竇買,因為佢冇買保險,我覺得佢需要。(仲想考咩牌? )有人建議我去考潛水教練牌,但考來做乜?我對這方面又冇興趣,音樂始終係第一位,依家只係暫時性,之後會做返音樂工作。”
談到隊友布志綸指吳業坤的新歌《原始心態》跟他們的舊歌《森林》相似,Ronny解釋說:“我有聽過首歌,志綸唔係咁意思。佢唔係話旋律好似,只係話後面的和弦相似,唔可以話相似就係抄襲。咁講對吳業坤唔公平,成個團隊花好多時間去做音樂,佢班底我都認識,做音樂好認真。我哋都試過畀人講,都係對我哋唔公平。”
留言