吳浣儀自爆愛夜酺入娛圈
吳浣儀日前亮相香港開電視節目,接受好友苑瓊丹專訪。臨近苑仔生日,浣儀姐專程買蛋糕慶祝,但反被苑仔“嫌棄”:“我叫浣儀唔好客氣啦,唔好買蛋糕啦,直接封利市畀我算啦,點知佢話我俗氣!又大一歲啦,唔好問我幾大年紀啦,我都係第一次慶祝生日,非常難得。”
吳浣儀直言入行初期多數演閒角扮茶客,兩個月後便接拍有份量角色並迅速走紅。她表示愛情成為離巢動力,否則應不會太衝動拒續約:“當年另一半都冇話養起我,但拍極都係閒角,由朝等到晚都未埋位,阻住我拍拖嘛!總之都係任性啦,做事冇諗過後果。跟住就轉去佳視,點知最後執埋,我於是就走去結婚啦。”
吳浣儀透露近期因為疫情而閉關,但仍期待好劇本降臨:“依家有戲拍咪拍囉,不過我係冇得獎命。當年都好想拎獎,依家都想!但一切都係整定。做人最緊要開開心心、身體健康,唔好鑽牛角尖。”
留言