因疫滯港父子檔拍劇

    馬在驤唔想老竇監場

    無線昨日為新劇舉行記招，馬德鐘與兒子馬在驤、唐詩詠、王君馨、鮑起靜、黃嘉樂、楊卓娜及關禮傑等都有出席。但早前疑醉駕正獲准保釋的楊明則未見現身，監製王心慰直言希望楊明在拍劇期間不要再駕駛。

    馬德鐘與馬在驤首次父子檔拍劇，馬在驤會飾演劇中的馬德鐘年輕版。馬在驤直言首次拍劇感覺得意，不過難在要演活在九十年代，但那時他還未出世。問是甚麼吸引他入行拍劇？他直言因疫情關係未能回澳洲返學。至於中文對白方面，他笑言：“唔得都要得，不明白的就請教爸爸。”劇中兩父子未有機會同場，但他覺得有好有唔好：“好處是爸爸能即場作出提點，壞處是會令我很緊張。”未能返澳洲會否很掛住女朋友？馬在驤即說：“女友不在澳洲，返咗美國家鄉。”

    馬德鐘表示兩父子會一起研究角色，又會將一些自己年輕時的事講給兒子聽。他透露今次角色跟以往不同：“我的角色係懶有型的模特兒，但其實係鱷魚頭老襯底，自以為是、貪錢，身為大佬但又蠢。”他又表示時間許可的話會留下看兒子拍劇，因現時他同時開拍網劇《飛虎之壯志英雄》，時間比較緊迫。

    唐詩詠和王君馨異口同聲表示，最高興是可以跟前輩“鮑姐”鮑起靜合作。詩詠之前睇過鮑姐演的戲被打動：“等了咁多年，知道她返TVB拍劇，一直都想可以跟她合作。監製同我講，話鮑姐做我奶奶，馬德鐘做我老公，好開心！因為之前來來去去都係馬國明做對手。”詩詠又稱在劇中飾演一個貼地的富家女，問到會否出動私伙？她說：“我都冇乜名牌私伙。反而拍完《超能使者》後，成個人好似將喜劇細胞打開晒、豁出去，所以拍呢套劇亦都得心應手。”

    王君馨透露本來幾年前有機會拍《同盟》就可以同鮑姐合作，但因為當時正在拍《超時空男臣》，監製唔放人。她說：“直到今次監製王心慰搵我，話可以同鮑姐合作，飾演對方徒弟，仲有好多對手戲，我就好開心咁一口答應。”君馨為了劇集還去學習刺繡，她說：“因為我的角色係比較慢半拍，平時我性格好急、冇耐性，所以依家要學識做任何事都慢條斯理，同埋會睇其他電影吸收演技。”

    監製王心慰表示楊明因有工作在身而缺席記者會，但之前已經試了造型。問楊明的戲份可被刪剪？王心慰直言沒有，並透露楊明在劇中飾演鮑起靜的三子：“與馬德鐘飾演兩兄弟，是一名設計師。仰慕他的黃嘉樂經常圍在他的身邊，令很多人都誤以為他是同性戀，兩人更會有一段疑似Hehe情。”

    楊明之後會否出席劇集宣傳活動？王心慰說：“會！（但楊明的案件仍未有結果，可擔心影響拍攝進度？）我比較樂觀，加上套劇就快開工，拍完都不過係三個月後。以我經驗看，香港普通交通意外案件排期要好耐。”至於會否要求楊明在拍攝期間不要駕駛？她好坦率地說：“我直情叫佢唔好開車，為咗我、為咗套劇，請司機啦！我會提要求。”