特首賀一誠在國慶日表示，政府不打算減明年的開支，而且現時各部門縮減一成開支已好辛苦；政府又會向立法會要求增撥200億過年關。直選議員吳國昌今（3）回應指，因應疫情，除了醫療方面的開支不能削減，其它方面如社會福利、公務人員的開支等都有削減的空間，「空間一定有，問題就係你（特首）願意承受幾多嘅不滿啫」。他又指，政府也可以考慮大量削減社團資助，「資助社團不是必須，真係可以CUT」；然而，特首不是民選，需要社團支持，所以「啲社團可以放心，不會CUT晒，就係因為佢唔係民選，所以就唔夠膽CUT晒。」
多年關注澳門經濟的吳國昌認為今年政府一定出現財政赤字，至於赤字多少則視乎政府最後動用多少財政儲備，赤字可能幾百億或上千憶。吳表示，「開支有部分唔減得的情況下，財政收入大幅減少，咁應該今年會出現財政赤字嘅啦⋯⋯隨時又動用200億，睇佢要動用幾多嘅啫，肯定佢會自己判斷囉，總之嘅虧損可能幾百億或上千憶。」
賀一誠曾表示，今年削減一成開支各部門已好辛苦，對錢好緊張；同時政府有固有的剛性開支如3萬8千公務員的人工、教育、社會福利、醫療等，承諾明年不打算減開支。被問及政府是否真的沒有空間削減開支時，吳則回應指，「空間一定有，問題就係你（特首）願意承受幾多嘅不滿啫⋯⋯要削減一定可以一路削落去，問題係你願意引起幾多嘅不滿咁解。」又指，在今年肯定出現財赤以及出年財政亦難保障可以收支平衡的情況下，「你削減開支，正路係好合理，問題係你願意承受幾多吧壓力之嘛。」
吳國昌相信今年賀一誠已經感受到很多不滿，「咁唯有CUT到某個程度，佢都有CUT咗一啲，做下樣算數。」吳表示，除了醫療的開支不能削減，其他的開支全部都可以削減，包括社會福利、公務員人工等。「但問題一定會引起強烈不滿⋯⋯唔係無理由（減福利），不過唔夠膽啫」。他又表示，政府可以大量削減社團資助，可以兩年內不再資助任何社團都得。「問題係你願唔願意承受呢嗰不滿呢？資助社團不是必須，真係可以CUT。但係佢哋真係會不滿」；由於賀一誠不是民選，須要靠社團支持，所以政府或只會削減對社團的部份資助。
不少本地社團一直向澳門基金會申請各項資助如年度經費，而澳門基金會的資金來源主要來自澳門特區娛樂場幸運博彩專營承批公司及轉批給公司毛收入1.6%的撥款、政府撥款、澳門特區內外的捐贈及其他法定收入。《論盡媒體》曾翻查《澳基會年報》及《政府公報》，2001至2019年基金會資助總額至少194億。