媒體
  • 澳廣視新聞
  • 政府消息
  • 濠江日報
  • 澳門日報
  • 力報
  • 新華澳報
  • 正報
  • 華僑報
  • 現代澳門日報
  • 論盡澳門
  • 澳門平台
  • Media OutReach
  • 美通社
分類
  • 專題故事
  • 要聞
  • 體育
  • 娛樂
  • 產經
  • 即時新聞
  • 澳聞
  • 中國
  • 國際
  • 生活
新聞
  • 攝影技術被嘲未夠班 碧咸大仔轉行做模特兒
  • 獲選年度人物 佐治古尼教仔女食「屎」
  • 疫情影響一日內無晒Job 林盛斌勉勵同業要撑住
  • 無懼寒冷出海滑水 徐濠縈完美演繹華麗轉身
  • 報知電影獎揭曉 小栗旬憑《罪之聲》首封影帝
  • 本周六「大動作」回歸幕前 羅志祥洗底挽形象為復出鋪路
  • 打破Billboard紀錄 BTS韓文歌稱冠Hot 100
  • 1220影視綜合服務平台協助 《媽媽》 競逐影展短片單元競賽
  • 網民驚呼認唔出 林志玲生日淡妝拍片唔同樣
  • 介懷被稱「軟仔」 張敬軒:實在太睇小我
  • 怕老婆隨時生B 王祖藍即晚坐火車返家慰妻
  • 不和後首現身 暗示分道揚鑣 謝安琪麥浚龍訪問貌合神離
  • 低胸上陣大騷事業線 周揚青「異形」手指嚇親網民
  • 聯署已過150萬 網民要求安芭赫德退出《水行俠2》
  • 郭敬明滿臉委屈下淚 爾冬陞上內地節目現場開火
  • 飛走尊尼特普 麥斯米基辛落實演黑巫師
  • 碧咸晒合照哀悼 林海峰追馬勒當拿索簽名
  • 開拍前接受歌唱特訓兩個月 劉德華《熱血合唱團》素人獻聲
  • 郭富城加盟 古天樂劉青雲合演《掃毒3》
  • 遭于文鳳入稟追債 周星馳金句作供

相隔四年 再演無綫劇 羅仲謙預告 跟張曦雯打得火熱

2020-10-20 12:01










羅仲謙(謙仔)自從與楊怡結婚並榮升爸爸後,近幾年返內地積極拍戲搵奶粉錢,直到去年才回歸無綫拍攝昨晚(19日)播出的新劇《木棘証人》,除了與演技實力派的韋家雄演對手戲,化身Hea爆沙展保護一名成為目擊証人的「怪叔叔」,兩人更會大放笑彈,爆發勁濃「HeHe味」;謙仔亦預告將會跟「宅男女神」張曦雯(Kelly)有不少火辣親熱戲,恨死隔離!(文:黎永樂 圖:相關機構)

羅仲謙相隔四年返TVB拍劇,他在新劇中演Hea爆沙展,發放笑彈!
羅仲謙預告將與女神張曦雯有不少火辣親熱戲。
劇中大玩錯綜複雜的三角戀,未知最後羅仲謙情歸何處。
羅仲謙與韋家雄(左)的兄弟情也是笑點之一。
羅仲謙保護韋家雄(右)期間,兩人竟與廿多年前的一宗懸案有關。

新劇《木棘証人》劇情講述「木獨」兼「棘手」的目擊証人韋家雄,獲警方派遣飾演便衣沙展的謙仔貼身保護,韋家雄的人際關係出現問題,令謙仔與對方經常鬥氣,不過保護過程中,兩人開始漸漸變成好兄弟,更發現他們原來竟與廿多年前的一宗懸案有關。至於Kelly將會演韋家雄的妹妹,是一名能言善辯的事務律師,剛巧飾演謙仔女友的張秀文見異思遷,造就機會給謙仔與Kelly漸生情愫,不過秀文撞板後想食回頭草,不惜捲入錯綜複雜的三角關係。

韋家雄爆肚玩HeHe

該劇監製梁耀堅受訪時,大讚與謙仔有感情線的Kelly演得夠放:「佢個角色同哥哥相依為命,無諗到佢演得好放,有驚喜!」提到回巢TVB拍劇的謙仔,監製稱:「我做導演時同謙仔曾喺16年《潮流教主》合作,當時佢已經好專業,但未發掘到喜劇天分,今次佢同韋家雄於《木棘証人》都幾搞笑!」梁耀堅更直言,兩人埋位前都會經常研究劇本並即場爆肚,劇中的家雄更差點愛上謙仔。難怪謙仔在社交平台宣傳新劇時留言:「《木棘証人》沒有恩怨情仇,亦沒有槍林彈雨,但非常爆笑!」

向鄭裕玲全智賢偷師

談到演出女強人大律師,Kelly直言開拍前向鄭裕玲(嘟姐)的作品偷師,她笑指:「我演呢個女強人唔係省油的燈,當懷疑謙仔翻撻秀文,我即刻飛佢,對謙仔造成傷害。拍拖期間,我又不時鬧佢,甚至出手摑佢同徐榮,巴渣得嚟貼地。我做準備嘅時候,有睇嘟姐嘅《男親女愛》同全智賢嘅《我的野蠻女友》。」對於首次跟謙仔合作,她開心地表示:「我拍劇年資得兩、三年,而佢最後一套無綫劇係2016年嘅《潮流教主》,所以我哋試造型先首次見面,不過佢好專業同親切,戲裡戲外都為我提供咗唔少意見。」

感情線既浪漫又激烈

至於謙仔亦大讚Kelly夠醒目:「佢拿捏得唔錯,相信觀眾透過角色,可以睇到佢嘅可塑性。當落實同佢合作,我身邊啲朋友都不知幾羨慕!(艷福無邊?)我可以預告同佢嘅感情線有浪漫、有激烈,鏡頭拍得好靚,大家拭目以待啦!」他又表示今次與韋家雄合作,二人於劇本對白上花了不少心思,亦度了不少「有味笑話」,謙仔亦透露其角色與過往有很大分別:「我以前做警察,多數都係演幹探,好勇敢,好似一個打十個,今次則比較Hea啲,無之前咁積極,大家(睇得)比較輕鬆啲!」

力報新聞

時事討論


關注CyberCTM