鄭裕玲電台節目中澄清當年無嘲諷過周星馳。

鄭裕玲指當年周星馳在擔任主持時，已經非常欣賞對方。

德高望重的鄭裕玲（Do姐）在娛樂圈打滾多年，地位崇高，更被譽為TVB四大「鎮台之寶」之一。不過，有傳聞指當年Do姐當紅時，還是寂寂無聞的周星馳曾向她請教自己會不會紅？當時Do姐竟嘲諷：「路人甲永遠唔可能成為主角。」雙方因而結怨已深，多年來兩人甚少公開同台。對此，Do姐日前罕有大喊冤枉：「係畀人加鹽加醋，我真係冇講過。好嘢總有人發掘！」（文：莫韻）

有傳聞指周星馳和鄭裕玲結怨已深，多年來兩人甚少公開同台。

鄭裕玲和周星馳曾合作群星參與的電影《豪門夜宴》。

周星馳在《賭霸》客串演出，與女主角鄭裕玲無對手戲。

周星馳當年由「星仔」變做「星爺」後，曾經捧紅不少「星女郎」，亦曾跟梅艷芳、張曼玉、林青霞、劉嘉玲、袁詠儀等當時大牌女星合作，但名單卻獨缺Do姐。貴為「金像獎」、「金馬獎」雙料影后的Do姐，只跟周星馳在《賭霸》及《豪門夜宴》中同戲出現，而周星馳在《賭霸》只是客串出鏡幾十秒，跟Do姐完全沒有對手戲，有傳兩大巨星積怨已深。事隔多年，日前Do姐在商台節目《口水多過浪花》中罕有開腔澄清：「我真係冇講過！」

大讚星爺表現方式唔同

Do姐指當年周星馳在擔任《430穿梭機》主持時，已經非常欣賞對方：「當時覺得呢個?仔好得意喎，同人哋表現方式唔同，又喺度搞啲細佬，搞到人哋喊。」之後周星馳加入戲劇組，兩人曾合作劇集《生命之旅》，Do姐說：「好嘢總有人發掘，於是調咗佢出嚟戲劇組，嚟咗我哋部劇集，佢同萬梓良好多戲，同我都有少少對手戲。有時佢都會同我傾下偈，之後就有個是非出咗嚟，咁我就要平反啦！」

強調無講諷刺說話

Do姐坦言當年周星馳的確曾找她問意見：「有次等埋位佢（周星馳）問我做演員有冇前途，但可能周圍有人聽到我哋講嘢，就加鹽加醋，識我咁耐，我係一個會話人唔得嘅人？我到今時今日都記得初初出嚟做新人個感覺。」她大喊冤枉表示：「我記得我係話『你好有Potential，好有潛質，畀心機做呀』咁樣，我諗多數都係咁樣講。」Do姐指自己真心覺得周星馳好好，但不知為何傳下傳下談話變成「你不如唔好做」！而且一傳傳了這麼多年，真的很冤枉。

兩人曾同台出席活動

Do姐非常憤怒地表示：「啲周刊當時都冇人搵我訪問，我覺得咁樣做好懦弱，懦夫行為，起碼都要求證。」她更直斥是假新聞，再度強調自己真的沒說過那種話。之後，Do姐又指周星馳曾因想與她聚舊而出席TVB的慈善節目。據知，Do姐和周星馳數年前確實一起出席過TVB的慈善活動，兩人還同台演出。當時，周星馳落台後即刻要去搭飛機，Do姐不忘叮囑他要注意安全，而周星馳更主動搭住對方博頭，兩人私下交情確實不錯。