大三巴下的「手信街」

板樟堂一帶
澳門中區南區工商聯會會長李卓君預料，在疫情反覆的情況下今年上半年經營環境仍不理想，商舖或會陸續倒閉。他形容特首賀一誠所講的「最後一里路」後見曙光是「望山跑死馬」，「跑極都跑唔到」。
回顧去年的營商情況，在中區開商舖的李卓君以「悽厲」、「慘過SARS」來形容。兩個月前，大三巴「手信街」有三分之二商店關門，該處過往客似雲來的畫面歷歷在目。至於關了門的店舖是否真的結業，李卓君指難以確定，因經營者亦未必願意透露實況。雖然隨著內地自由行恢復，情況相對改善，直至12月中下旬人流明顯增多，但仍然經營艱難。「中區嘅手信行業都割喉，買五送一呀或買幾送一呀，大家都係搏晒老命去催谷。但遺憾數據都唔係好理想，喺元旦、聖誕（假期）都係講緊升10% ⋯⋯以前賺緊錢而家要蝕錢就係咁簡單。」
問及對上半年經營環境的預測，李卓君直言並不看好，他稱因應疫情反覆，經營前景難明朗。「上半年我客觀咁睇，陸陸續續舖頭結業係會出現，肯定會有⋯⋯在（前景）唔明朗嘅前提底下，都唔知做好或唔做好？正如點解有啲老店都會執笠呢，大家都睇到前景唔知點樣，與其係咁不如閂埋佢。」
至於目前的就業情況，李卓君坦言官方數據並未能如實反映就業市場現況。「睇唔到真正失業嘅數字有幾大，除非間舖頭真係結業，結業就睇到真實嘅狀況⋯⋯你睇博企CUT咗幾多外僱就知，雖係外僱，但都反映本地勞動市場狀況⋯⋯部分本地僱員吊住鹽水或只出一半糧返一半時間。呢啲無真正顯示出嚟嘅情況底下，都唔能夠作準。」他表示外僱被裁、 本地僱員停薪留職、放無薪假或減工時減薪等都未能如實在官方數據中顯示，更難以展望今年的就業環境。
推逾50億元消費卡 部分中小微企只有「啲咁多」受惠
 去年政府投入50多億公帑推出消費卡以提振本地經濟、支持企業經營、穩定就業市場及紓解居民經濟壓力。政府引用交易數據指出，多個行業都有不同程度的受惠。李卓君則指部分中小微企只受惠「啲咁多」。「嗰幾十億有幾多真真正正流入中小微企？有啲咁多⋯⋯吊鹽水都要有啲鹽水呀，若連些少鹽水都冇咁就大鑊。」
建議政府在條件許可下協助中小微企押後還貸款
李卓君指出，疫情下不少中小微企向經濟局申請經濟援助措施，目前已經要開始還貸款。「之前受經濟援助措施時
簽晒嘢，你呢半年內唔能裁員結業，而家開始還錢。再之前借落啲，陸陸續續經濟局都要求還錢。天鴿和黑格比時的借貸，有啲都未還晒。你叫佢哋（而家）還錢就大鑊啦，佢哋嘅現金流咪更加缺。」
他認為，政府要關注目前經營環境的變化，在條件許可下可協助中小微企押後還貸款，包括經濟局及銀行的借貸，以援助中小微企。
他亦希望政府可以與銀行協商讓企業押後還貸。「當時經濟局有四厘補貼，同銀行借咗嗰啲，金管局有冇條件同銀行商討，若中小微企願意承擔責任下，可以允許對方押後還錢呢？」至於有中小微企要結業，他認為是造化弄人。「結業很慘，仲要畀一筆遣散費，連刮沙嘅錢都冇埋，要去補畀員工，所有嘅生財器具total lose全部無晒價值。中小微企唔願意自己執笠，奈何要到佢哋執笠時就好悽慘嘅啦。」