由於疫情影響，陳靜透露已休息幾個月，但一直有增值自己。

單身大半年的陳靜大呻無人追，要公開徵男友。

陳靜為了新戲狂操肌，希望令角色更有說服力。

陳靜上載三點式自拍照，隱約見到四塊腹肌。

相隔八年，陳靜再度打入「全球百大美女帥哥排行榜」。

藝人陳靜（DaDa）昨日（24日）現身香港銅鑼灣，支持好友鄧洢玲餐廳的開幕禮。鄧洢玲身穿低胸裙性感現身，反而DaDa則打扮密實，她表示由於疫情影響，最近休息幾個月一直有增值自己，為了新戲狂操肌，令角色更有說服力。DaDa透露自己單身了大半年，揚言要公開徵男友：「朋友叫我介紹男仔，但其實我自己都冇貨。」（文：莫韻）

當天鄧洢玲身穿低胸裙現，大騷性感身材，講到逆市仍開鋪，她笑言自己一直都好大膽：「個構思係2019年尾諗到，2020年頭就睇場地，但中間經歷好多波折，疫情影響，裝修都嚟唔到，好多挫折，連開張都改咗三次，而家盡量疫情下都照做。」有段時間沒有露面的DaDa，表示由於疫情影響最近休息了幾個月，一直增值自己，如學整餅，又想考瑜伽牌，亦有投資股票，笑言都有些進帳。

自爆單身大半年

談及感情生活，DaDa透露目前單身，更笑言無人追，要公開徵男友：「而家都唔見人，緣分未出現，但我都唔好意思，朋友叫我介紹男仔，但其實我自己都冇貨，哈哈。」她坦言單身了大半年，但始終是適婚年齡，又喜歡小朋友，所以都想有好姻緣。DaDa最近迷上運動，早前她於社交網站上載了三點式泳衣自拍照，性感是基本，重要是隱約見到四塊腹肌，而且手腳都明顯纖瘦。

為新戲做足準備功夫

原來DaDa是為了新戲狂操肌，希望令角色更有說服力，她說：「我自己運動細胞唔係好強，我原本想練下啲力，跟住去學打拳，同埋想自己體能好啲，以前體力差所以一直冇拍劇，我行山就係練體能，亦因為咁迷上做運動，直頭係一日唔做都唔舒服。」她透露下月會開拍警匪片，飾演內心痛苦的媽媽角色，對自己來講是一大挑戰：「會畀人家暴，有個七、八歲嘅仔，都大挑戰，但都接受咗愈來愈多戲搵我做媽媽。」

入圍「全球百大美女」

相隔八年，DaDa早前再次入圍美國電影網站TC Candler每年舉行的「全球百大美女帥哥排行榜」，奧斯卡影后妮坦莉寶雯（Natalie Portman）、韓國女團Twice台灣成員周子瑜、韓星秀智、玄彬和金秀賢等，今年亦打入這個排行榜。講到DaDa是唯一一個入圍的香港女星；她笑言：「但最後出咗局，但有得入圍已經好開心。」事實上，早在2012年DaDa曾入圍這個排行榜，當年排第44位：「上次入圍已經係《低俗喜劇》嘅時候，可惜今年連100名都冇，哈哈。」