陸翬的司儀經驗十分豐富，以專業可靠、別具親和力的風格見稱。（資料圖片）

陸翬曾經是時裝模特兒，機緣巧合下轉戰主持工作。（資料圖片）

陸翬今日能在本地司儀界佔一席位，背後其實克服了無數挑戰。（資料圖片）

本地司儀界當中，陸翬（Nicosia）相信是著名活動及節目主持之一，2013年開始擔任各類大小活動的司儀，之後更走入電視台任不少節目的主持，多年來以專業可靠、別具親和力的風格見稱，也令更多觀眾認識她！一心想向時裝界發展的Nicosia，機緣巧合下走上主持發展之路，直至今時今日，她成功在澳門司儀界佔一席位，背後也經歷不少才獲得業界認可。談到學習目標，Nicosia希望有朝一天能像香港星級司儀鄭裕玲（Do姐）一樣，深受觀眾愛戴。

一心想做時尚達人的Nicosia，從沒想過自己會當上司儀。從小就很有表演慾的她，正式入行做主持人是在做模特兒的時候。「有電視台監製定時要搵Model上節目做嘉賓，做咗一兩次嘉賓後，佢哋發現呢個女仔幾多嘢講，我就入咗行做嘉賓主持，慢慢就有自己主持嘅節目。」不過踏上主持之路後，也有出現過樽頸位。「因為入行時同幾個當年嘅青春主持人一齊合作，畀人感覺吃喝玩樂，後來工作上接觸到資訊性節目，就開始摸索自己嘅定位。」她亦坦言不介意走詼諧路線，最重要是希望透過工作帶歡樂給觀眾！

入行以來Nicosia也經歷不少，曾試過公開場合被觀眾認錯做另一位女藝人，也試過遇上尷尬場面，在大型晚宴上讀錯貴賓名字。「我當時一聽勁驚同好想喊，原來司儀稿上寫嘅名係對方離開咗人世嘅爸爸，亦都係當時介紹一間餐廳嘅創始人。雖然司儀稿係大會準備，但我覺得呢個錯誤始終出自我個口，我自己都有檢討，可能係自己做功課唔足夠，自此每次做主持都會確定嘉賓名稱冇錯，亦會上網做research，係一個好好嘅從尷尬中學習！」

鄭裕玲是陸翬的學習榜樣之一。（鄭裕玲IG圖片）

問到有甚麼比較欣賞的金牌主持人？Nicosia表示十分欣賞Do姐鄭裕玲：「佢係一個好有學識嘅資深主持人，佢主持玩樂性節目時，佢係可以用好歡樂好貼近觀眾嘅方式去講好資訊性嘅嘢畀大家聽，同埋同佢合作嘅拍檔都擦出唔少火花，平時睇佢主持頒獎典禮同做LIVE，佢嘅執生能力非常之好。」她希望朝住對方為目標，像對方成為資深主持人後，會有很多觀眾喜歡和願意看她做節目。Nicosia除了專注司儀工作，過去兩三年亦為不少國內外大型紀錄片節目擔任配音工作，從中學到主持節目外的知識，所以她希望能努力學習，日後有機會進入國際機構工作。（編輯：黎永樂）