張建聲短時間內增磅過200磅，臉部輪廓也明顯消失了！

張建聲再為新戲造型，體重激增至220磅，不過似乎對他身體做成影響，他表示胃部有不適，如廁會出血。

張建聲在新劇演奸角，他表示會為不同角色研究出不一樣的奸。

張建聲（左三）飾演衰格上司，配合霸氣身軀的確入型入格。

張建聲曾在40日為演拳擊手，進行極速地獄式減磅。

張建聲為演活歷史人意張飛一角而增肥。

演員張建聲為電影藝術甘願犧牲身型，他曾為配合多個電影角色造型，儲肥完自己再化身肌肉型男，之後又再為下一部戲角色再狂食變回肥仔，增磅減肥無限Loop！前晚（7日），張建聲主演的電影《#PTGF出租女友》進行傳媒探班，他再比一個月前漲大一個碼，並表示自己已增磅至215磅，而昨日他終於成功達標，為其下部新戲造型變成220磅大肥佬，他亦向記者表示去廁所時會有出血情況，未知是否身體響起警號。文：黎永樂

張建聲去年拍攝電影《一秒拳王》時，為了飾演片中的出色拳擊選手，他當時於40日內速減廿多磅，並必須無持一定的肌肉身形，最終成功變身肌肉型男。想不到事隔幾個月，他決定再為即將開拍的新戲犧牲肌男造型，本來監製及老闆都認為去到215磅時就表示夠皮，但他為了再測試自己身體機能的接受程度，決定要增磅至其目標220磅，昨日正式達標！「身體有冇響起警號，自己心中有數，而家每朝都要食胃藥，去洗手間又會有出血情況，但放心，我會睇住自己身體，唔講太多，遲啲先跟大家詳談。」

演活反派被網民喪鬧

至於張建聲今次在電影《#PTGF出租女友》中飾演衰格奸角上司，配合霸氣身軀的確入型入格。而現時他在正在播出的ViuTV劇集《無限斜棟有限公司》也是演奸角，對此，他表示：「市場上搵我嘅都係想我演反派，喺網上又被人鬧，呢個係我嘅工作，希望出到街大家會友善咁跟我打招呼，唔好再X我！」由於他曾試過被導演指做反派不夠奸，所以他每次做反派都會為角色放入很多設計，甚至會細心考慮角色的背景和前傳，每次演出都會度身訂造。

為拍奸角捱夜讀對白

提到《無》劇，原來張建聲只開了一天工。「還記得當日明天開工，但前一晚再收到新劇本，而且改動頗大，一共七頁紙台詞，所以就算當晚只瞓得兩三個鐘，都要立即想想點樣設計個角色，當看到討論區網民點樣鬧我，點樣憎到我入骨，自己又會好開心，多謝觀眾支持。」他亦賣關子叫觀眾收看之後其角色結局會怎樣！

做霸氣張飛幾乎休克

其實，今次已不是張建聲第一次為作品增肥，他為拍攝電影《真•三國無雙》時，為演活歷史人意張飛一角而增肥，不過他在開拍前覺得自己的身形仍與心目中的張飛還有一段距離，於是電影造型總監就為他特製一套穿在戲服內的肥仔連身衣，令他可以還原他心中的張飛形態。張建聲說：「做到形態之餘但礙於太熱，出面攝氏40幾度，體感50幾度，記得第一、二日已幾乎拍到發燒休克，但啲衫真係好靚。」