電視人才没有老何來新
“十年迷失,節目老化!”曾志偉挺身代表廣大無線老員工叫陣:“我都幾十歲啦,你都請。”質疑大老闆此言“唔化”,敏感的老中青員工暗中或會引起分化的。
曾記否,當年五台山風起雲湧,主帥們鼓勵將士:“太陽底下無新事,世上無不可能之事,衝呀。”
無線曾有二千多年的歷史或佛教節目麼?有播過四百多年傳統的粵劇或粵曲、播足一年或一個月的特輯麼?没有,卻先叫“老化”,有阻擋財路之嫌。
高梁某年旅遊三藩市,親友知道本人對當地電視好奇,晨早七時叫醒我説:“你哋香港冇呢啲電視節目!”赫見一位袈裟大和尙,趺坐唸經,面前一爐香,背後大金佛,肅穆敲木魚。正想大叫“乜咁大整蠱”,和尙開口了,議論時事,帶點台山鄉音,解答觀衆問題。講到希拉莉能否當上美國總統?記得和尚這樣回應:“女人天職,生兒育女,相夫教子。返屋企做個賢妻良母啦,有機會幫助老公事業,唔係自己去做總統,做女人唔使咁辛苦嘅。”據説,好多年輕事業觀眾,睇過此節目,駕車上班時心情平和好多。
午飯看電視,赫見廣州台講粵劇粵曲、長篇大論講香港八卦新聞。“洋化之人,唔覺得老土咩?”就係貪佢土,男女主持人操正廣州西關話,估唔到在電視中聽到祖輩純正廣東話,都很受歡迎。
最新科技的無線電視台,奶媽係粵劇大老倌,波叔、肥蘭係《EYT》柱石;鄧碧雲、鳳凰女、阮兆輝、尤聲普、林錦棠,為電視騰飛增添羽毛。電視太新,也必須舊人撫養,早期製作的攝影、電工、梳化服,來自根基深厚的電影人才;電視快高長大,蛋白質和鈣質來自夠老的電影和粵劇藝術。
據説,六叔某日晨早看又老又土又殘的《七十二家房客》,“此片好收得!”立命來自廣州的楚原“照拍一部”,出神入化!這才高手也。
(電視火山塘邊鶴 · 四之四)
高 梁
留言