專程上堂學習口述影像

    余香凝為視障者獻聲

    余香凝與Super Girls隊友近日獲邀為視障人士獻聲，於不同劇集中任口述影像員配上旁白，余香凝更做足準備功夫，專程到盲人輔導會上堂。

    余香凝(Jennifer)、麥子樂及Super Girls四位成員趙慧珊(Aka)、陳穎欣(Yanny)、吳嘉熙 (Cheronna)和蔡明思(Jessica)早前獲香港電台邀請，為視障人士舉行的“聽出好戲勢”活動獻聲，於不同劇集中擔任口述影像員，用聲音將娛樂帶給一班視障人士。

    為了能夠勝任口述影像員，Jennifer在開工前專程到盲人輔導會學習口述影像。首次接觸口述影像的她直言充滿難度︰“之前去盲人輔導會學口述影像，因為疫情關係，只係去上過一堂。當時要嘗試點樣形容圖案，然後身邊朋友畫返圖案出來，已經覺得好難。你要講得好清楚、而且在有限時間去講，十分考驗表達能力和分析能力，以及對圖案的理解能力。”

    Jennifer直言能為視障人士出力感到非常榮幸，早前她更示範即場為劇集口述旁白，笑言緊張到爆，並透露難度非常高。她說︰“我要描述正發生咩事，有時自己講講吓會講錯或者講錯咗個音。好彩係錄音，如果要現場講的話，我要練好多次，亦會好緊張。所以我好尊敬及多謝口述影像員，佢哋係義工，用空餘時間去睇好多次同一套戲、用好多時間去寫段稿，再重複練習。”

    Yanny與Jessica及Cheronna更為口述影像與視障人士合作拍攝宣傳片，Yanny提到配旁白時被Jessica搞到分心。她笑說：“其中配音那套劇集係Jessica有份演出的，令到我睇到有少少興奮。但那套劇集情節係好緊張、好慘及好感動，所以好多時會走入呢個情緒，鼻都紅晒。我就會提醒自己唔好咁呀，因為我要記住角色、要繼續緊守呢個崗位，唔可以加太多自己情緒入去。”

    Jessica則說︰“我睇住自己演劇集配旁白都會有少少分心，唔小心畀咗感情去讀，或者錯過某段旁白，因為掛住睇自己演的那套劇。”Aka與Cheronna對於能夠幫到視障人士之外，又學到新技能，感到非常開心，直言相當有意義。麥子樂則說︰“係好寶貴的經驗，希望可以做多點為視障人士帶來娛樂的工作。”